تاپسىرلاتىن ۇيلەردىڭ 59-ى ياعني, 3732 پاتەر بيۋدجەت ەسەبىنەن سالىنىپ جاتسا, جالپى 1157 پاتەر بولاتىن 26 ءۇي "Shymkent" اكك" اق ارقىلى, ال جەكە سالۋشىلار ەسەبىنەن 19 ءۇي ول 911 پاتەر.
شىمكەنت قالاسىنىڭ اكىمى مۇرات ايتەنوۆ اتالعان نىسانداردىڭ ساپالى جانە ۋاقتىلى اياقتالۋىن باقىلاۋ ماقساتىندا سالىنىپ جاتقان تۇرعىن ۇيلەردىڭ قۇرىلىس بارىسىمەن تانىستى.
تۇرعىندار تاراپىنان ساپاعا قاتىستى كوپتەگەن شاعىمدار كەلىپ تۇسەتىنىن ايتقان قالا باسشىسى قۇرىلىس كومپانيالارى ءبىرىنشى كەزەكتە ساپاعا ءمان بەرۋ كەرەك ەكەنىن ايتتى.
"ەڭ باستى تالاپ – ساپا. ءبىز تۇرعىن ءۇي سالۋشىلارعا ءاردايىم قولداۋ كورسەتەمىز. سىزدەر تاراپتان ساپالى جۇمىس ىستەلىنۋى كەرەك. ارينە, قۇرىلىس جۇمىستارىنىڭ قالا ەكونوميكاسىنا قوسار ۇلەسى مول. قالاعا كەلەتىن ينۆەستورلار دا الدىمەن قۇرىلىس بارىسىنا ءمان بەرەدى", دەدى قالا اكىمى.
سونىمەن قاتار, اكىم سالىنىپ جاتقان باسپانالار اۋەلى كوپبالالى, تۇرمىسى تومەن وتباسىلارعا جانە جۇمىس ىستەيتىن جاستارعا بەرىلەتىنىن اتاپ ءوتتى.
ايتا كەتەيىك, جالپى شىمكەنت قالاسىندا "نۇرلى جەر" مەملەكەتتىك باعدارلاماسى اياسىندا جانە "7-20-25" باعدارلاماسىمەن, بارلىق قارجى كوزدەرى ەسەبىنەن 14 224 پاتەرلى 262 كوپقاباتتى تۇرعىن ءۇيدىڭ قۇرىلىسى جۇرگىزىلۋدە.
