"بۇۇ دامۋ باعدارلاماسىنىڭ اياسىندا كوپپاتەرلى بەس تۇرعىن ۇيگە كۇردەلى جوندەۋ جۇمىستارى جۇرگىزىلىپ جاتىر. ونىڭ ۇشەۋىن جوندەۋ اياقتالدى. بۇۇدب جۇمىستارى قانداي دا ءبىر تولەمسىز جۇزەگە اسىرادى. پيلوتتىق جوبامەن پۋشكين-جۇبانوۆ كوشەلەرىنىڭ قيىلىسىندا ورنالاسقان ۇيلەر جوندەلۋدە", دەيدى ەلوردا اكىمى التاي كولىگىنوۆ.
قالا اكىمىنىڭ ايتۋىنشا, ءۇيدى جىلىتۋ, قاسبەتىن جوندەۋ, تەرەزە, ەسىكتەردى اۋىستىرۋ, LED-جارىقتاندىرۋ, كىرەبەرىستەردى جوندەۋ, جىلىتۋ جۇيەلەرىنىڭ قۇبىرىن جاڭارتۋ بويىنشا جۇمىستار جۇرگىزىلىپ, اۆتوماتتاندىرىلعان جىلۋ پۋنكتتەرى ورناتىلاتىنىن اتاپ ءوتتى.
سونداي التاي كولىگىنوۆ: "بۇل جۇمىستار ءۇيدىڭ جىلۋ شىعىنىن ەداۋىر ازايتادى. تۇرعىندار ءۇشىن جىلۋدىڭ ورتاشا جىلدىق شىعىنى شامامەن 2 ەسە ازايادى. ويتكەنى, سىرتقى اۋا داتچيكتەرىنىڭ ارقاسىندا اۆتوماتتاندىرىلعان جىلۋ پۋنكتتەرى اۋا-رايىنا بايلانىستى رەتتەلىپ وتىرادى. ال تۇرعىندار پايدالانىلعان جىلۋ ەنەرگياسىنىڭ اۋقىمىنا بايلانىستى تولەيدى. سونىمەن قاتار, جۇرگىزىلگەن جوندەۋ جۇمىستارى تۇرعىندارعا قىزمەت كورسەتەتىن ۇيىمنىڭ شىعىندارىن ازايتۋعا مۇمكىندىك بەرەدى", دەيدى ەلوردا اكىمى.
بۇدان بولەك, تۇرعىن ۇيلەرگە كۇردەلى جوندەۋ جۇمىستارىن "نۇرلى جەر" تۇرعىن ءۇي-كوممۋنالدىق دامۋ مەملەكەتتىك باعدارلاماسى مەن "جۇمىسپەن قامتۋدىڭ جول كارتاسى" بويىنشا جۇرگىزىلەدى. بيىل 50-دەن استام كوپپاتەرلى تۇرعىن ءۇي كەشەنى جوندەلەدى, سونىمەن بىرگە 130-دان اسا ءليفتىنى جوندەۋ جانە اۋىستىرۋ باستالدى. اتقارىلىپ جاتقان جۇمىستار لەگى تۇرعىندارعا ءتيىمدى بولاتىنىن تىلگە تيەك ەتتى.
