بەينەكونفەرەنتسيا بارىسىندا Jas Otan جاستار قاناتىنىڭ توراعاسى ەلنۇر بەيسەنباەۆ وڭىرلەر مەن اۋىلداردىڭ ناقتى ءبىر ماسەلەلەرىن شەشۋدە ءتيىمدى جول كارتالارى ازىرلەتىنىن اتاپ ءوتتى.
ء"بىز العاش رەت ءوز الدىمىزعا قويىلعان ماقساتتارعا قول جەتكىزۋ ءۇشىن ناقتى شارالار كەشەنى مەن بەلگىلەنگەن ينديكاتورلارى بار 216 وڭىرلىك جول كارتاسىن دايىندايمىز. ءار جول كارتاسى سول اۋداندى, قالانى قامتيتىن بولادى, ال جەرگىلىكتى جاستار وسى ينديكاتورلاردىڭ ورىندالۋ بارىسىن وزدەرى باقىلاي الادى. وسىنداي جول كارتاسىنداعى ناقتى تارماقتاردىڭ ءبىرى – جاستار اراسىنداعى جۇمىسسىزدىقتى 3,7%-عا دەيىن تومەندەتۋ كەرەك", دەيدى جاستار كوشباسشىسى.
بەلگىلى PR وقىتۋشى, پرەزيدەنت جانىنداعى مەملەكەتتىك باسقارۋ اكادەمياسىنىڭ ءباسپاسوز حاتشىسى اقەركە بەرلىباي جاستاردى مەملەكەتتىك قىزمەتكە تارتۋ يدەياسىن ۇسىندى:
– مەملەكەتتىك قىزمەتكەرلەردى, مەملەكەتكە, قوعامعا قىزمەت ەتەتىن ادامداردى تاربيەلەۋ جانە دامىتۋ وتە ماڭىزدى. ءبىز ءومىر بويى قوعامدىق قىزمەتكەر بولا المايمىز, ەرىكتىلەر دە ءدال سولاي. سوندىقتان مەملەكەتتىك باسقارۋ جۇيەسىنىڭ قىزمەتتىك پريزماسىن جاڭارتۋ ارقىلى ءبىز جاستاردى وسى قىزمەتكە شاقىرا الامىز, − دەيدى اقەركە بەرلىباي.
ال, تاريحشى, ارحەولوگ, PhD دوكتورى, ۇلتتىق مۋزەي ديرەكتورىنىڭ عىلىمي جۇمىس جونىندەگى ورىنباسارى ايبار قاسەناليننىڭ ايتۋىنشا, "دارىن" سىيلىعى جاستاردىڭ ەڭبەگىن باعالاۋ ءۇشىن جەتكىلىكسىز. سوندىقتان وسكەلەڭ ۇرپاقتى "جاس عالىم", "جاس تالانت", "جاس جازۋشى" سياقتى سىيلىقتاردى تاعايىنداۋ ارقىلى ىنتالاندىرۋ قاجەت. سونداي-اق, عىلىممەن اينالىساتىن جاستاردىڭ قاجەتتىلىكتەرىن ەسكەرە وتىرىپ, جاس عالىمدار ءۇيىن سالۋ كەرەك ەكەنىن اتاپ ءوتتى.
"بارلىق اۋدانداردا, مەكتەپتەر مەن وقۋ ورىندارىندا ارنايى سپورت الاڭدارىن جابدىقتاۋ ماڭىزدى. سونىمەن قاتار, فيتنەس كلۋب, زالدارمەن بىرگە الەۋمەتتىك وسال وتباسىلارعا جەڭىلدىكتەر جاساۋدى ۇسىنامىن. ويتكەنى, ولار باسقا ءومىر سالتىن كورىپ, بولاشاق ءومىرىن جاقسارتۋعا تىرىسادى", دەيدى كوركەم گيمناستيكادان حالىقارالىق دارەجەدەگى سپورت شەبەرى اننا اليابەۆا.
ايتا كەتەيىك, 2025 جىلعا ارنالعان "جاستار-وتانعا!" باعدارلاماسى, Jas Otan جاستار قاناتىنىڭ V سەزىندە قابىلدانادى. قازىرگى ۋاقىتتا باعدارلاما جوباسى ەلىمىزدىڭ بارلىق وڭىرىندە قىزۋ تالقىلانىپ جاتىر.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.
