وندا ستريتبول, كونكي, ۇستەل تەننيسى جانە جاتتىعۋ الاڭدارى بولادى.
سونىمەن قاتار "ارقار" كوپىرىنىڭ استىنداعى اۋماقتا دەمالىس ايماقتارى كەڭەيتىلىپ, ولار جاڭا گراففيتيمەن تولىقتىرىلدى. سپورتتىڭ بەلسەندى تۇرىنە ارنالعان ايماق گەننادي گولوۆكين بەينەلەنگەن مۋرالمەن بەزەندىرىلگەن. ول كوشە فيتنەسى جابدىقتارىمەن, workout الاڭىمەن, گانتەلدەرمەن, شتانگالارمەن جانە ت.ب. جابدىقتالادى. جاقىن جەردە بالالارعا ارنالعان ايماق بولادى.
ونەر تۋىندىلارىن قازاقستاننىڭ ءار قالالارىنان كەلگەن دارىندى سۋرەتشىلەر سالعان. قازىرگى ۋاقىتتا مۇندا رەتتەۋ جۇمىستارى جۇرگىزىلۋدە. "ارقار" كوپىرىنىڭ استىنداعى كەڭىستىك ترياتلون جانە پرەزيدەنت ساياباقتارىن بىرىكتىردى.
ەلوردا اكىمدىگى قالا تۇرعىندارىنىڭ دەمالىسى ءۇشىن جايلى جاعداي جاساۋعا ايرىقشا كوڭىل بولۋدە. وسىلايشا بوس جاتقان جەرلەر ۇلكەن اۋلالىق الاڭدارمەن, شاعىن ساياباقتارمەن جانە جايلى بۋلۆارلارمەن جابدىقتالعان. مىسالى, بۇعان دەيىن شاكارىم قۇدايبەردى ۇلى داڭعىلى 17/6 بوس جاتقان ايماق بولعان. قازىر مۇندا ۇلكەن اباتتاندىرىلعان ايماق, ونىڭ ىشىندە فۋتبول الاڭى بار. اۆتوتۇراق ماسەلەسى شەشىلدى.
بيىل بارلىعى 50 قوعامدىق ورىن (ساياباقتار, سكۆەرلەر, بۋلۆارلار) جانە 150 اۋلا جابدىقتالادى. اۋلالار مەن قوعامدىق ورىندار "نۇر-سۇلتان – جايلى قالا" باس جوسپارى تۇجىرىمداماسى اياسىندا اباتتاندىرىلۋدا.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.
