الايدا ۇلتتىق تەرمينولوگيانىڭ نەگىزىن قالاعان احمەت بايتۇرسىن ۇلى ءبىز «جيىرماسىنشى» دەپ ادىپتەپ جۇرگەن رەتتىك سان ەسىمدى «جيىرمانشى» دەپ جازعان ەكەن. احاڭ نەگە بۇلاي قاتە جازدى ەكەن؟ – دەگەن ويمەن بىلىكتى عالىمدارعا جۇگىنىپ كورۋدى ءجون كوردىك. الماتىداعى ا.بايتۇرسىن ۇلى اتىنداعى ءتىل ءبىلىمى ينستيتۋتى گرامماتيكا ءبولىمىنىڭ مەڭگەرۋشىسى, فيلولوگيا عىلىمدارىنىڭ دوكتورى ورناي جۇباەۆاعا حابارلاسىپ ەدىك, عالىم:
– بايتۇرسىن ۇلى «جيىرماسىنشى» دەمەيدى, «جيىرمانشى» دەيدى. شىندىعىندا, سول دۇرىس. قازىرگى قيسىنعا سالساق, «ەكىنشى», «جەتىنشى» دەگەن سوزدەر «جيىرماسىنشى» سياقتى «ەكىسىنشى», «جەتىسىنشى» بولىپ جازىلۋى كەرەك قوي. مۇنى احمەت بايتۇرسىن ۇلى دا, ەلدەس وماروۆ تا, ماۋلەن بالاقاەۆ تا «جيىرمانشى» دەپ قولدانعان. كەيىنگى ورفوگرافيالاردا قاتە بەرىلىپ ءجۇر. ول دۇرىس ەمەس, – دەدى.
ەندى قايتپەك كەرەك؟ ەشتەن كەش جاقسى دەپ ەملەنى تۇزەيمىز بە, الدە بايتۇرسىن ۇلىنىكىن قاتە ساناپ, كوزجۇمبايعا سالىپ جۇرە بەرەمىز بە؟ ايتپاقشى, وزبەكستان قازاقتارى دا احاڭشا, جيىرمانشى دەپ سويلەيدى.
قوستاناي وبلىسى
