بۇگىن ءاليحان بوكەيحان اتىنداعى №76 مەكتەپ-ليتسەيدە باق وكىلدەرىنە ارنالعان پرەسس-تۋر ۇيىمداستىرىلدى. جۋرناليستەر مەكتەپتىڭ كەزەكشى سىنىپتى قابىلداۋعا دايىندىق بارىسىمەن تانىستى. شارا بارىسىندا مەكتەپ ديرەكتورى ساپۋرا تۋلەكوۆا №76 مەكتەپ-ليتسەيدە 32 كەزەكشى سىنىپ قۇرىلعانىن اتاپ ءوتتى.
"بۇل سىنىپتاردا بالا سانى 15-تەن اسپايدى. اپتاسىنا ءۇش كۇن وفلاين, قالعان ەكى كۇن قاشىقتان وقيدى. ساباقتىڭ ۇزاقتىعى 40 مين, كۇنىنە 3-4 ساباق وتەدى. ء"بىر سىنىپ – ءبىر مۇعالىم" قاعيداسى قاتاڭ ساقتالادى. ياعني, باستاۋىش سىنىپتار سىنىپ جەتەكشىسى وتەتىن پاندەردى مەكتەپتە وقىپ, قالعانىن ونلاين رەجيمدە وتەتىن بولادى", دەدى ساپۋرا تۋلەكوۆا.
ەلوردانىڭ بارلىق مەكتەپتەرى كەزەكشى سىنىپتار ءۇشىن دەنساۋلىق ساقتاۋ مينيسترلىگى بەكىتكەن قاۋلىعا سايكەس سانيتارلىق شارالاردى قاتاڭ ساقتايدى. دەزينفەكتسيالىق تۋننەل, اراقاشىقتىق ساقتاۋ ءۇشىن ارنايى بەلگىلەر, زالالسىزداندىرعىش قۇرىلعىلار ورناتىلادى. بۇل رەتتە اتا-انالار دا كوروناۆيرۋس ينفەكتسياسىن جۇقتىرۋدى بولدىرماۋ ءۇشىن بارلىق قاجەتتى شارالاردى قامتاماسىز ەتۋى قاجەت. بەتپەردە تاعۋ, قولعاپ كيۋ, قولدى جەكە انتيسەپتيك نەمەسە باكتەرياعا قارسى دىمقىل مايلىقتارمەن وڭدەۋ قاجەت.
ء"بىز ءۇشىن بالالار مەن ۇستازداردىڭ دەنساۋلىعى ءبىرىنشى ورىندا, سول ءۇشىن سانيتارلىق شارالار قاتاڭ ساقتالادى. ءار سىنىپتىڭ ءۇزىلىس ۋاقىتتارى دا ءارتۇرلى. ءاربىر ەكىنشى ساباقتان كەيىن ىلعالدى جيناۋ, سىنىپ بولمەسىن جەلدەتۋ جۇرگىزىلەدى. ساباق اياقتالعاننان كەيىن سىنىپ بولمەسى كۆارتستالادى. مەكتەپ دەزينفەكتسيالىق تۋننەلمەن, كۆارتسپەن, تەپلوۆيزورمەن, ماسكامەن جانە دەزينفەكتسيا قۇرالدارىمەن تولىق قامتاماسىز ەتىلدى", دەيدى مەكتەپ-ليتسەي ديرەكتورى.
الداعى وقۋ جىلى قاشىقتان وقىتۋ فورماتىندا باستالاتىنى بەلگىلى. تەك باستاۋىش سىنىپتار ءۇشىن اتا-انالاردىڭ ءوتىنىشى نەگىزىندە "كەزەكشى سىنىپتار" جۇمىس ىستەيتىن بولادى. قازىرگى تاڭدا ەلوردا مەكتەپتەرى كەزەكشى سىنىپتار ءۇشىن وتىنىشتەر قابىلداۋدا. قالا بويىنشا باستاۋىش سىنىپتاردا 82 مىڭنان استام وقۋشى بولسا, ونىڭ 50%-ى كەزەكشى سىنىپتا وقۋعا ءوتىنىش بىلدىرگەن. كەزەكشى سىنىپقا ءوتىنىش قابىلداۋ ءالى دە جالعاسۋدا. مەكتەپتەردە بالا سانى 15-تەن اسپايتىن كەزەكشى سىنىپتار قۇرىلادى.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.
