"تۇرعىن ءۇي قۇرىلىس جيناق بانكى ارقىلى ساتىلاتىن بىرقاتار قولجەتىمدى تۇرعىن ءۇي قۇرىلىسىنىڭ باسىندا بولدىم. الەۋمەتتىك باسپانانىڭ كەزەكتى پارتياسىن قىركۇيەك ايىندا تاپسىرۋدى جوسپارلاپ وتىرمىز. (وماروۆ كوشەسى, 23/1, ايتماتوۆ كوشەسى, 27, مۇحامەدحانوۆ كوشەسى, 28, 28ا, 28ب).
سونىمەن بىرگە اۋلالاردى اباتتاندىرۋ بويىنشا جۇمىستار جالعاسۋدا. مىسالى, وماروۆا, 23/1 كەلەسى جىلى اۋلادان باسقا قوعامدىق كەڭىستىكتى اباتتاندىرۋعا كىرىسەمىز. جاڭا تۇرعىن ۇيلەردىڭ ءبىرىنشى قاباتتارىندا الەۋمەتتىك نىساندار اشىلادى: ەرەكشە قاجەتتىلىگى بار بالالارعا ارنالعان وڭالتۋ ورتالىقتارى, مەديتسينالىق مەكەمەلەر, بالالارعا ارنالعان ۇيىرمەلەر جانە ت.ب. اۋدان تۇرعىندارى ءۇشىن مەديتسينالىق جەدەل جاردەم ستانتسياسى جۇمىس ىستەپ تۇر.
سونىمەن قاتار, كەزەكتە تۇرعاندارعا (حالىقتىڭ الەۋمەتتىك ءالسىز توپتارىنا) تۇرعىن ءۇي سالۋ بويىنشا جۇمىستار جۇرگىزىپ جاتىرمىز. "قازاقستاندىق يپوتەكالىق كومپانيامەن" بىرلەسىپ بيىل دارىگەرلەرگە, مۇعالىمدەرگە, الەۋمەتتىك قىزمەتكەرلەرگە, پوليتسەيلەرگە, مادەنيەت جانە سپورت قايراتكەرلەرىنە ارنالعان تاعى 1 مىڭ الەۋمەتتىك پاتەر بەرەمىز. كەلەسى جىلدارعا دا دايىندالامىز", دەپ جازدى التاي كولگىنوۆ.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.
