رەسەي پرەزيدەنتى ۆلاديمير پۋتين ويىندار مەن فورۋمنىڭ قوناقتارى مەن قاتىسۋشىلارىنا ارناعان بەينە ۇندەۋىندە وسى ءىس-شارالاردىڭ ماڭىزدىلىعى مەن تانىمالدىلىعىن اتاپ ءوتتى.
رەسەي فەدەراتسياسىنىڭ پرەمەر-ءمينيسترى ميحايل ميشۋستين ءوز سوزىندە فورۋمنىڭ اۋقىمىن جانە يننوۆاتسيالار مەن تسيفرلىق تەحنولوگيالاردى قولدانۋدى ەسكەرە وتىرىپ وندىرىلگەن ءونىمنىڭ ەداۋىر ءوسۋىن اتاپ ءوتتى.
قاتىسۋشى ەلدەردىڭ جوعارى قوناقتارىنىڭ قاتىسۋىمەن «ارميا حالىقارالىق وينىدارى - 2020» فورۋمىن رەسەيدىڭ قورعانىس ءمينيسترى ارميا گەنەرالى سەرگەي شويگۋ اشتى. رەسمي نىشان – ارميا حالىقارالىق ويىندارىنىڭ تۋى كوتەرىلدى, ال ۇلتتىق تۋ استىنداعى جارىسقا قاتىسۋشىلار كورەرمەندەر الدىندا سالتاناتتى مارشپەن ءوتتى.
32 ەل قاتىساتىن 2020 جىلعى ارميا حالىقارالىق ويىندارى, 30 بايقاۋدان تۇراتىن سايىستا ەڭ مىقتىلاردى انىقتايدى.
سانيتارلىق-ەپيدەميولوگيالىق جاعدايعا جانە ەلدە قابىلدانعان شارالارعا بايلانىستى قازاقستان بيىلعى جىلى تەك ءبىر عانا بايقاۋعا «تانك بياتلونىنا» قاتىسادى, ول ەڭ كورنەكتى, وكىلدى جانە بەدەلدى بولىپ تابىلادى. قازاقستاندىق تانكيست ماماندار 25 تامىزدا جەكە جارىستا ونەر كورسەتەتىن بولادى. ويىن 5 قىركۇيەكتە اياقتالادى.
