سەمينار قىزىلوردا وبلىسى سىرداريا اۋدانى شىركەيلى اۋىلىندا ورنالاسقان «ىساماددين» شارۋا قوجالىعىندا ءوتتى. بۇل سەمينار قاتىسۋشىلارىنا شارۋا قوجالىعىنىڭ سوڭعى جىلدارداعى جەتىستىكتەرىن ءوز كوزىمەن كورۋگە مۇمكىندىك بەردى. «اۋىل» حدپپ مۇشەسى, «ىساماددين» شارۋا قوجالىعىنىڭ باسشىسى جاناربەك نۇرىمبەتوۆ سەمينار قاتىسۋشىلارىنا شارۋاشىلىعىن ارالاتىپ, كاسىبىنىڭ قىر-سىرىمەن تانىستىردى. ونىڭ ايتۋىنشا, «ىساماددين» شارۋاشىلىعى 10 جىلدان اسا ءىرى قارا مەن جىلقى وسىرۋمەن اينالىسىپ كەلەدى. 2012 جىلى مۇندا ءبىر اۋىسىمدا 2,5-5 تونناعا دەيىن ەت وڭدەيتىن كەشەنىنىڭ جۇمىسى ىسكە قوسىلدى. بۇگىنگى تاڭدا شارۋا قوجالىعى قىزىلوردا وبلىسىنىڭ تۇرعىندارىن ازىق-ت ۇلىكپەن ء(سۇت, ماي, ەت), شيكىزاتپەن ء(جۇن, تەرى) قامتاماسىز ەتۋدە.
سونىمەن قاتار سەميناردا «اتامەكەن» كاسىپكەرلەر پالاتاسى وبلىستىق فيليالىنىڭ باستاۋ بيزنەس جوباسى بويىنشا اعا كەڭەسشىسى مادينا قاسىمجان جاستارعا بيزنەس باستاۋدىڭ پراكتيكالىق تاجىربيە كەڭەسىمەن ءبولىستى. اۋىل شارۋاشىلىعى تاۋار وندىرۋشىلەرىن قولداۋ جونىندەگى مەملەكەتتىك باعدارلامالار, سۋبسيديالار, كرەديتتەر جانە ت.ب. تۋرالى ەگجەي-تەگجەيلى ايتىپ بەردى.
قاتىسۋشىلار سەميناردىڭ شارۋا قوجالىعىندا وتكەنى قىزىقتى, تانىمدى جانە جاقسى تاجىريبە بولعانىن اتاپ ءوتتى. ولار بۇكىل شارۋاشىلىقتىڭ جۇمىسىن, مالدى ۇستاۋ جاعدايلارىن كورۋ مۇمكىندىگىنە يە بولدى. ايماقتىڭ جەتەكشى فەرمەرلەرىنىڭ ءوز تاجىريبەلەرىمەن ءبولىسۋى, ولاردىڭ جۇمىستاعى جەتىستىكتەرىن كورۋ سەمينار قاتىسۋشىلارى ءۇشىن كەلەشەككە ماقسات قويۋعا جانە وعان جەتۋ جولىندا تاباندىلىق تانىتۋعا شابىتتاندىردى.
«اۋىل» پارتياسى قىزىلوردا وبلىسى بويىنشا فيليالىنىڭ توراعاسى سەرىكباي ومىرزاقوۆتىڭ ايتۋىنشا, پارتيانىڭ كوپتەگەن فيليالى مۇنداي جينالىستاردى وندىرىستە وتكىزەدى. ويتكەنى ءدال وسىنداي فورمات ءوزىنىڭ تيىمدىلىگىن دالەلدەدى. شارۋاشىلىقتىڭ شىنايى جاعدايىمەن تانىسقان بولاشاق كاسىپكەرلەرگە بۇل تۇڭعىش تاجىريبەدەن وتكەنمەن بىردەي. وسىنداي سەمينارلاردان كەيىن ولاردىڭ سالاعا دەگەن قىزىعۋشىلىعى ارتىپ, اگرارلىق سالادا العاشقى قادامدارىن باستايدى.
ايتا كەتەيىك, اتالعان سەمينار «اۋىل» حدپپ XVI سەزىندە قابىلدانعان پارتيانىڭ «اۋىل-دوستار» ساياسي باستاماسى اياسىندا ءوتتى. باستاما ماقساتى تۋعان اۋىلىنىڭ بولاشاعىنا بەي-جاي قارامايتىن پارتيانىڭ بارلىق جاقتاستارىن, ءوز وتانىن سۇيەتىن ەل پاتريوتتارىن بىرىكتىرۋگە باعىتتالعان.
