ەلوردا • 20 تامىز، 2020

ۇكىمەتتىك ەمەس ۇيىمدار بەلسەندىلىگى ەكى ەسەگە ارتقان

16 رەت كورسەتىلدى

بەلسەندى قىزمەت ەتەتىن ۇيىمدار سانى – 1885-تەن 2594-كە جەتكەن.  بۇل تۋرالى ەلوردا اكىمدىگىنىڭ رەسمي سايتىنا سىلتەمە جاساي وتىرىپ Egemen.kz حابارلايدى. 

نۇر-سۇلتان قالاسىنىڭ ىشكى ساياسات باسقارماسىنىڭ باسشىسى ت.راحمانبەردىنىڭ توراعالىعىمەن قوعامدىق ۇيىمداردىڭ الەۋمەتتىك سالانى جەتىلدىرۋ، سونداي-اق مەملەكەتتىك الەۋمەتتىك تاپسىرىستاردى ىسكە اسىرىلۋىنا بايلانىستى ونلاين رەجيمدە اشىق سۇحبات كەزدەسۋى ءوتتى.

كەزدەسۋ بارىسىندا بيىل بەلسەندىلىكتىڭ سانى ەكى ەسەگە ارتقاندىعى ايتىلدى. ماسەلەن، قىزمەتىن تۇراقتى جۇرگىزەتىندەر سانى – 1885-تەن 2594-كە جەتتى. ال بەلسەندى ۇيىمدار 2019 جىلدىڭ سوڭىندا 471-دەن قازىردە 610-دى قۇراپ وتىر.

كەزدەسۋدە قازىرگى ۋاقىتتا ەلوردالىق ۇكىمەتتىك ەمەس ۇيىمدار مەملەكەتتىك گرانتتاردى ورىنداۋدا ەلوردالىق ۇيىمدار رەسپۋبليكا بويىنشا كوش باستاپ تۇرعاندىعى جەتكىزىلدى. 2019 جىلى 28 گرانتتى ەلوردالىق ۇيىمدار يەلەنسە، بيىل 30-عا جەتتى.

ۇكىمەتتىك ەمەس ۇيىمداردىڭ جۇمىستارى نۇر-سۇلتان قالاسىنىڭ ازاماتتىق باستامالار ورتالىعى ارقىلى بىرىزدەندىرىلىپ كەلەدى.

سونىمەن قاتار، بۇگىندە ۇكىمەتتىك ەمەس ۇيىمدار قىزمەتىن تسيفرلاندىرۋدا ارنايى ۇيىمدارعا ورتاق قۇرىلعان جانە كەرى بايلانىس ءۇشىن ارنايى www.civilcenterelorda.kz سايتى قىزمەت ەتەدى.

سۇحبات بارىسىندا تالعات اباي ۇلى قوعامدا الەۋمەت شيەلەنىسىن تۋدىراتىن ماسەلەلەردى شۇعىل الدىن الۋ ءۇشىن نۇر-سۇلتان قالاسى ازاماتتىق باستامالار ورتالىعى جانىنان مونيتورينگ شتابىن قۇرۋدى ۇسىندى.

پاندەميا كەزىندەگى ءدارى-دارمەكتەردىڭ جەتىسپەۋشىلىگىنەن كەيىن دارىحانالارداعى پرەپاراتتاردىڭ باعاسىن ارنايى مونيتورينگ توبى باقىلايتىن بولادى.

سوڭعى جاڭالىقتار

اراق ساتىلمايتىن اۋدان

ايماقتار • كەشە

ۇقساس جاڭالىقتار