قازاقستان • 20 تامىز، 2020

كۇن باتارەياسىمەن قۋاتتاناتىن اۆتونومدى جول كاتافوتتارى سىنالدى

19 رەت كورسەتىلدى

اۆتوموبيل جولدارى سالاسىندا جاڭا تەحنولوگيالاردى ەنگىزۋ شارالارى جالعاسۋدا. بۇل تۋرالى يدم ءباسپاسوز قىزمەتى حابارلايدى، دەپ جازادى Egemen.kz

وسىلايشا، جولدارداعى قوزعالىس قاۋىپسىزدىگى دەڭگەيىن كوتەرۋ جانە جول-كولىك وقيعالارىنىڭ سانىن ازايتۋ ماقساتىندا "QazAvtoJol" ۇك" اق "IMRAN COMAPNY" كومپانياسىمەن بىرلەسىپ كۇن باتارەياسىمەن قۋاتتاناتىن اۆتونومدى جول كاتافوتتارىن سىنادى.

تاجىريبەلىك سىناقتار وتكىزىلەتىن جول ۋچاسكەسى رەتىندە "كوكشەتاۋ قالاسى ارقىلى وتەتىن 40+100 كم نۇر-سۇلتان – پەتروپاۆل" ا1 اقىلى اۆتوموبيل جولى تاڭدالعان  بولاتىن. مامانداردىڭ اتاپ وتۋىنشە، كۇن باتارەياسى ارقىلى قۋاتتاناتىن اۆتونومدى جول كاتافوتتارى تۇنگى ۋاقىتتاعى جانە اۋا رايىنىڭ قولايسىزدىعى كەزىندە جول جاعدايىن كورۋ مۇمكىن ەمەس بولعان جاعدايداعى جول قوزعالىسى قاۋىپسىزدىگىنىڭ دەڭگەيىن جوعارىلاتۋ  ءۇشىن قولدانىلادى.

ولار جولداعى تاڭبالاردىڭ كوشىرمەسى. كاتافوتتار جولداردىڭ قاۋىپتى ۋچاسكەلەرىندە جۇرگىزۋشىلەردىڭ كوڭىلىن اۋلايدى. ال ەگەر كولىك باسقارۋشى جولداعى تۇتاس سىزىق تاڭباسىن باسسا، كاتافوتتار بەلگىلى ءبىر دىبىس شىعارادى. بۇل ءوز كەزەگىندە كولىكتەردىڭ قارسى قوزعالىس جولاعىنا ءوتۋ ىقتيمالدىعىن تومەندەتۋگە، كولىكتەردىڭ سوقتىعىسۋىن نەمەسە كولىكتەردىڭ جىراعا ءتۇسىپ كەتۋىن  بولدىرماۋعا مۇمكىندىك بەرەدى.

"IMRAN COMAPNY" كومپانياسىنىڭ مالىمەتتەرىنشە، جول كاتافوتتارىن 7 جىلعا دەيىن پايدالانۋعا بولادى. ولار سالماعى 30 تونناعا دەيىنگى جۇكتى كوتەرۋگە ەسەپتەلگەن. وسى رەتتە كومپانيا اتالمىش ونىمگە 2 جىلدىق كەپىلدىك بەرەدى.

 

قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.

سوڭعى جاڭالىقتار

ۇقساس جاڭالىقتار