نۇر-سۇلتاندا ءىرى ساۋدا جانە ويىن-ساۋىق ورتالىقتارى, فيتنەس-ورتالىقتار, سۇلۋلىق سالوندارى جانە باسقا دا شاعىن جانە ورتا بيزنە نىساندارى جۇمىسىن قايتا باستادى.
"قالادا توعىز ساۋدا جانە ويىن-ساۋىق ورتالىعى بار. جاقىندا جۇرگىزىلگەن تەكسەرۋ ناتيجەسى ولاردىڭ بارلىعى دايىن ەكەنىن كورسەتتى. بۇگىننەن باستاپ ششاعىن جانە ورتا بيزنەسامامەن 8,5 مىڭ ادام جۇمىسقا كىرىستى. سونداي-اق بيزنەستىڭ 60%-ى جۇمىسىن باستادى. كەيبىرەۋلەر تۇسىنىكتەمە الدى, ولار كەمشىلىكتى تۇزەتكەننەن كەيىن وسى اپتادا اشىلادى", دەدى نۇر-سۇلتان قالاسى اكىمدىگىنىڭ ساۋدا جانە قىزمەت كورسەتۋ سەكتورىن دامىتۋ ءبولىمىنىڭ باسشىسى رۋسلان ىدىرىسوۆ.
ەسكە سالايىق, 15 تامىزدا باس مەملەكەتتىك سانيتارلىق دارىگەر جارلىعىنا سايكەس ساۋدا جانە ويىن-ساۋىق ورتالىقتارى اپتانىڭ سەنبى جانە جەكسەنبىدەن باسقا بەس كۇنىندە جۇمىس ىستەيدى.
"ساۋدا ورىندارىندا ءار 50 مەتر سايىن سانيتايزەر ورناتىلۋى كەرەك. بارلىق جەردە الەۋمەتتىك قاشىقتىق بەلگىلەرى بار", دەدى ر.ىدىرىسوۆ.
ەستەرىڭىزگە سالا كەتەيىك, بۇگىننەن باستاپ قازاقستاندا كارانتين شەكتەۋلەرى بىرتىندەپ الىنا باستادى. سونىمەن بىرگە, ساراپشىلار تويلار مەن كوپشىلىك شارالاردى وتكىزۋگە ءالى دە تىيىم سالىنعانىن ەسكە سالدى. بارلىق قوعامدىق ورىنداردا قاشىقتىق ساقتاپ, ماسكا تاعۋ, سانيتايزەر قولدانۋ كەرەك.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.
