كوپشىلىكتىڭ سۇراۋى بويىنشا, 2020 جىلدىڭ 17 جانە 22 تامىز ارالىعىندا دالاداعى اۆتو-كينوتەاتر فورماتىندا بولاتىن Nur-Sultan Auto-cinema Festival ءىس-شاراسى قايتا جاندانادى. اتالعان شارا "Astana Arena" ستاديونىنىڭ قابانباي باتىر داڭعىلىنا قارايتىن كولىك تۇراعىندا وتەتىن بولادى.
فەستيۆالدە قالا تۇرعىندارى مەن قوناقتارى دالا كينوتەاترىن تەگىن كورە الادى جانە شەتەلدىك نەمەسە وتاندىق كينو كارتينالاردى تاماشالاي الادى. ءىس-شارا ۇيىمداستىرۋشىلارى ەشقانداي قاتىناسسىز تىسكەباسارلار مەن سالقىن شىرىندار جەتكىزۋدى قامتاماسىز ەتەدى.
"اۆتو-كينوتەاتر اۋماعىنا كەلۋشىلەر بارلىق سانيتارلىق نورمالاردى ۇستانۋى ءتيىس, وزىمەن بىرگە مەديتسينالىق بەتبەردە مەن قولعاپتاردىڭ بولۋى, الەۋمەتتىك اراقاشىقتىقتى ۇستانعانى ءجون", دەيدى ۇيىمداستىرۋشىلار.
ءىس-شارا 6 كۇنگە سوزىلادى جانە ءار كۇن سايىن 2 كورسەتىلىمنەن ءجۇرىپ وتىرادى. ءبىرىنشى كورسەتىلىم ساعات كەشكى 20:30 باستالسا, ەكىنشى كورسەتىلىم ساعات 22:30 باستالادى.
17 تامىز:
1. جەنا نە ستەنا - رەجيسسەرى اسقار بەيسەنبين
2. رەيد: پۋليا ۆ گولوۆە -رەجيسسەرى تيمو تيادجانتو, كيمو ستامبول
18 تامىز:
1. ليكۆيداتور - رەجيسسەرى اكان ساتاەۆ
2. ۆو ۆسەم ۆينوۆات ەنوت - رەجيسسەرى روبين سۆايكورد
ءىس-شارا بارىسىندا كورسەتىلەتىن فيلمدەر ءتىزىمىنىڭ انونسى, ەرتەرەك دالا اۆتو-كينوتەاترىنىڭ LED-ەكراندارى مەن نۇر-سۇلتان قالاسىنىڭ اكىمشىلىگى جانە ۇيىمداستىرۋشى "Enterprise production" كومپانياسىنىڭ الەۋمەتتىك جەلىلەرىندە كورسەتىلەتىن بولادى.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.
