جاڭا جىلىتۋ ماۋسىمى قارساڭىندا نۇر-سۇلتاندا جەكە تۇرعىن ءۇي سەكتورىن ارالاۋ باستالدى. ۇيلەردەگى پەشتەردىڭ, مۇرجالار مەن ەلەكتر جىلىتقىشتاردىڭ ساپاسىن تەكسەرەدى, ال تۇرعىندارعا پەش جابدىقتارىن پايدالانۋ كەزىندەگى ءورت قاۋىپسىزدىگى ەرەجەلەرى تۇسىندىرىلەدى.
"توتەنشە جاعدايلار دەپارتامەنتى جىل سايىن سۋىق تۇسكەندە جانە جىلىتۋ ماۋسىمى جاقىنداعان سايىن ءورتتىڭ, قازا بولۋ مەن جاراقاتتانۋدىڭ الدىن الۋ ماقساتىندا جەكە تۇرعىن ءۇي سەكتورىن ارالاۋ بويىنشا الدىن الۋ ءىس-شارالارىن جۇرگىزەدى. ولار ەكى كەزەڭگە بولىنەدى. ءبىرىنشىسى – 15 تامىزدان 15 قىركۇيەككە دەيىن; ەكىنشىسى -15 قىركۇيەكتەن جىلىتۋ كەزەڭىنىڭ سوڭىنا دەيىن. دەپارتامەنت قىزمەتكەرلەرى اۋلا ارالاپ, رەيدتەر جۇرگىزەدى. ۇگىت-ناسيحات جۇمىستارى كۇشەيتىلەتىن بولادى", – دەپ حابارلادى ەلوردالىق تجد.
پەشتەر مەن مۇرجالاردى ورناتۋ كەزىندە زاڭ بۇزۋشىلىقتار بولعان جاعدايدا, ءۇي يەسىنە ولاردى جويۋ بويىنشا ۇسىنىستار بەرىلەدى. تجد جىلىتۋ ماۋسىمى باستالار الدىندا جىلىتۋ پەشتەرىن پايدالانۋعا دايىنداۋ قاجەت ەكەنىن ەسكە سالادى.
ء"بىرىنشى كەزەكتە ءتۇتىن مۇرجاسىن كۇيەدەن, سونداي-اق پەشتەردىڭ قاتتى قىزاتىن بەتتەرىن جانعىش زاتتاردان تازالاۋ قاجەت", - دەپ اتاپ ءوتتى دەپارتامەنت وكىلدەرى.
پەشپەن جىلىتىلاتىن ۇيلەردە ۋلانۋدىڭ الدىن الۋ ءۇشىن, ۋلى گاز داتچيكتەرى ورناتىلادى. وتكەن جىلىتۋ ماۋسىمىندا وسىنداي قۇرىلعىلارمەن 1264 ءۇي جابدىقتالدى, ونىڭ 980-ءى حالىقتىڭ الەۋمەتتىك وسال توپتارىنىڭ ۇيلەرىنە ورناتىلدى.
قىس مەزگىلىندەگى ورتتەردىڭ دەنى پەش جابدىقتارىن دۇرىس پايدالانباۋ سەبەبىنەن تۋىندايدى. ستاتيستيكا بويىنشا, وتكەن جىلىتۋ ماۋسىمىندا ەلوردادا بارلىق ورتتەردىڭ ۇشتەن ءبىرى نەمەسە 106-سى جەكە تۇرعىن ءۇي سەكتورىندا ورىن العان.
