ەلوردا • 17 تامىز، 2020

نۇر-سۇلتان قالاسى اكىمىنىڭ گرانتىن قالاي يەلەنۋگە بولادى؟

1061 رەت كورسەتىلدى

نۇر-سۇلتان قالاسى اكىمى 2020-2024 جىلدارعا جوعارى جانە جوعارى وقۋ ورنىنان كەيىنگى ءبىلىم الۋعا 793 گرانت ءبولدى. بۇل تۋرالى ەلوردا اكىمدىگىنىڭ رەسمي سايتىنا سىلتەمە جاساي وتىرىپ Egemen.kz حابارلايدى.

2018 جىلدان باستاپ اكىمدىك جوعارى وقۋ ورىندارىندا قالا ءۇشىن اسا قاجەت ماماندىقتارعا مەملەكەتتىك تاپسىرىستى ورنالاستىرا باستادى. ول ءۇشىن قالا اكىمىنىڭ توراعالىعىمەن تاۋەلسىز كوميسسيا قۇرىلىپ، وعان قالالىق باسقارمالاردىڭ، قوعامدىق ۇيىمداردىڭ باسشىلارى مەن كاسىپكەرلەر پالاتاسىنىڭ وكىلدەرى كىردى.

نۇر-سۇلتان قالاسىنىڭ اكىمى 2020-2024 جىلدارعا جوعارى جانە جوعارى وقۋ ورنىنان كەيىنگى ءبىلىم الۋعا 793 گرانت ءبولدى. كونكۋرستىق كوميسسيانىڭ قورىتىندىسى بويىنشا، مامانداردى دايارلاۋعا مەملەكەتتىك ءبىلىم بەرۋ تاپسىرىسى ورنالاستىرىلاتىن جوعارى وقۋ ورىندارىنىڭ ءتىزىمى انىقتالدى. تىزىممەن تومەندە تانىسۋعا بولادى.

جوعارى ءبىلىمنىڭ ءبىلىم بەرۋ گرانتىن بەرۋگە ارنالعان كونكۋرسقا قاتىسۋ ءۇشىن وقۋعا ءتۇسۋشى جوعارى جانە (نەمەسە) جوعارى وقۋ ورنىنان كەيىنگى ءبىلىم بەرۋ ۇيىمدارىنىڭ (بۇدان ءارى – ججوكبۇ) قابىلداۋ كوميسسياسىنا نەمەسە اقپاراتتىق جۇيە ارقىلى جوعارى ءبىلىم الۋ ءۇشىن 10-20 تامىز ارالىعىندا جانە جوعارى وقۋ ورنىنان كەيىنگى ءبىلىم الۋ ءۇشىن 24 تامىز - 2 قىركۇيەك ارالىعىندا قۇجاتتاردى تاپسىرادى:

1) بەلگىلەنگەن ۇلگىدەگى بلانكىدە ءوتىنىشتى;

2) ءبىلىمى تۋرالى قۇجاتتى (قۇجاتتاردى قابىلداۋ كوميسسياسىنا تاپسىرعان كەزدە تولنۇسقا);

3) ۇبت سەرتيفيكاتىن (قۇجاتتاردى قابىلداۋ كوميسسياسىنا تاپسىرعان كەزدە);

4) 086-ۋ نىسانى بويىنشا مەديتسينالىق انىقتامانى;

5) جەكە باسىن كۋالاندىراتىن قۇجاتتىڭ كوشىرمەسىن تاپسىرادى.

مەملەكەتتىك ءبىلىم بەرۋ تاپسىرىسى نەگىزىندە ججوكبۇ-نىڭ تىلدىك دايارلىقتى كۇشەيتۋگە ارنالعان دايارلىق بولىمدەرىن بىتىرگەن تۇلعالار ججوكبۇ-نىڭ رەكتورى قول قويعان بىتىرگەنى تۋرالى ترانسكريپت ۇسىنادى.
تەحنيكالىق جانە كاسىپتىك، ورتا بىلىمنەن كەيىنگى ءبىلىمنىڭ ءبىلىم بەرۋ باعدارلامالارىن ىسكە اسىراتىن ءبىلىم بەرۋ ۇيىمدارىنىڭ ءبىلىم تۋرالى قۇجاتتارى بار، بىلىكتىلىگىن راستاعان جانە تيىسىنشە ماماندىق بويىنشا كەمىندە ءبىر جىل جۇمىس ءوتىلى بار تۇلعالار قوسىمشا مىنا قۇجاتتاردىڭ بىرەۋىن تاپسىرادى:

1) ەڭبەك كىتاپشاسى;

2) ۇيىمنىڭ مورىمەن (ەگەر بار بولسا) كۋالاندىرىلعان جۇمىس بەرۋشىنىڭ قولى قويىلعان قىزمەتتىك ءتىزىم (قىزمەتكەردىڭ جۇمىسى، ەڭبەك قىزمەتى تۋرالى مالىمەتتەر تىزبەسى);

3) قىزمەتكەردىڭ ەڭبەك قىزمەتى تۋرالى اقپارات كورسەتىلگەن ارحيۆتىك انىقتاما;

4) بىرىڭعاي جيناقتاۋشى زەينەتاقى قورىنان اۋدارىلعان مىندەتتى زەينەتاقى جارنالارى تۋرالى ءۇزىندى جانە مەملەكەتتىك الەۋمەتتىك ساقتاندىرۋ قورىنان الىنعان الەۋمەتتىك اۋدارىمدار تۋرالى مالىمەتتەر;

5) جۇمىس بەرۋشى توقتاتىلۋ كۇنى مەن نەگىزدەمەسى تۋرالى بەلگى قويعان ەڭبەك شارتى;

6) جۇمىس بەرۋشىنىڭ اكتىلەرىنەن ەڭبەك شارتىن جاساسۋ جانە توقتاتۋ نەگىزىندە ەڭبەك قاتىناستارىنىڭ تۋىنداۋى مەن توقتاتىلۋىن راستايتىن ۇزىندىلەر;

7) جۇمىسكەرلەرگە جالاقى تولەۋ ۆەدوموسىنان ۇزىندىلەر.

"جوعارى ءبىلىمنىڭ ءبىلىم بەرۋ گرانتىن بەرۋگە ارنالعان كونكۋرسقا قاتىسۋ ءۇشىن وقۋعا ءتۇسۋشى وتىنىشتە ءوزى تاڭداعان جوعارى ءبىلىمنىڭ بەرۋ باعدارلامالارىنىڭ توبىن جانە ججوكبۇ-نى كورسەتەدى. بەيىندىك پاندەر سايكەس كەلگەن جاعدايدا، وقۋعا ءتۇسۋشى ءبىلىم بەرۋ باعدارلامالارىنىڭ ءتورت توبىنا دەيىن كورسەتە الادى"، دەپ حابارلادى ءبىلىم باسقارماسى وكىلدەرى. 

جوو بولىنگەن گرانتتار ءتىزىمىن ەلوردا اكىمدىگىنىڭ رەسمي سايتىنان الۋعا بولادى. http://astana.gov.kz/kz/news/news/24080

سوڭعى جاڭالىقتار

چەمپيوندى تابا الماي جاتىر

سپورت • بۇگىن، 07:59

«ورداباسى» جەڭىسكە جەتتى

سپورت • بۇگىن، 07:58

بۋبليك – ءۇشىنشى كەزەڭدە

سپورت • بۇگىن، 07:57

IQanat قاناتتاندىرعاندار

ايماقتار • بۇگىن، 07:55

اۋىلداعى داۋىل

ايماقتار • بۇگىن، 07:47

ەت وتكىزەتىن نارىق كەرەك

ەكونوميكا • بۇگىن، 07:40

ەڭ باستىسى – ەڭبەك قاۋىپسىزدىگى

ەكونوميكا • بۇگىن، 07:37

بوزكىلەمدە – بۇرىمدىلار

سپورت • بۇگىن، 07:33

بەرگەن سەرتكە بەرىكتىك

قازاقستان • بۇگىن، 07:30

پيك پەن ميب-ءتىڭ «شايقاسى»

قازاقستان • كەشە

كولىكقۇمارلارعا ارنالدى

ەكونوميكا • كەشە

قىمبات ەم-دوم قولجەتىمدى

مەديتسينا • كەشە

ۇقساس جاڭالىقتار