شاردارا اپب-نە اۋداندىق ورتالىق اۋرۋحانادان ۇرلىق بولعانى جونىندە حابارلاما كەلىپ تۇسەدى. ارىزدا بەلگىسىز ادام اۋرۋحاناعا قابىلداۋ ەسىگى ارقىلى كىرىپ, اشىق قالعان ءماجىلىس زالىندا تۇرعان بىر دانا كومپيۋتەردى (مونوبلوك), كلاۆياتۋراسىمەن قوسىپ, جىمقىرىپ كەتكەنى كورسەتىلگەن. كەلتىرىلگەن شىعىن كولەمى 230 مىڭ تەڭگەنى قۇرادى.
اتالعان جايت قر قك-ءنىڭ 188-بابى (ۇرلىق) بويىنشا تىركەلىپ, سدتتبت-نە ەنگىزىلدى. ۇرلىق قىلمىسىن اشۋ ماقساتىندا اۋداننىڭ تاجىريبەلى پوليتسەيلەرىنەن جەدەل–تەرگەۋ توبى قۇرىلىپ, بارلىق قاجەتتى شارالار ىسكە اسىرىلدى. جەدەل ۋاكىلدەر بەينەباقىلاۋ كامەرالارىن تەكسەرىپ, كۋاگەرلەردەن جاۋاپ الدى. ناتيجەسىندە, اۋرۋحاناعا تيەسىلى تەحنيكالىق قۇرالداردى جىمقىرعان كۇدىكتىنىڭ جەكە-باسىن انىقتاپ, اۋدان كوشەلەرىنىڭ بىرىنەن ء"ىزىن سۋىتپاي" بىر ساعات ىشىندە تابادى.
ول بۇرىن بىرنەشە رەت سوتتى بولعان جەرگىلىكتى تۇرعىن بولىپ شىقتى. تەرگەۋ بارىسىندا انىقتالعانداي, كۇدىكتى ۇرلاعان كومپيۋتەردى ازىق–ت ۇلىك دۇكەندەرىنىڭ بىرىنە وزىنە قاجەتتى زاتتار الىپ, كەپىلگە قويىپ كەتكەن. ايعاقتى زاتتار تاركىلەنىپ الىنىپ, زاڭدى يەسىنە قايتارىلدى. قازىرگى تاڭدا وسى ءىس بويىنشا سوتقا دەيىنگى تەرگەۋ امالدارى جۇرگىزىلۋدە. كۇدىكتىنىڭ باس شاراسى قولحاتپەن بوساتىلدى. ءوز كەزەگىندە تۇركىستان وبلىسىنىڭ پوليتسەيلەرى تۇرعىندارعا قۇندى زاتتارىڭىزعا بارىنشا ساق بولۋدى ەسكەرتەدى.
اۋلاڭىزعا بەينەباقىلاۋ كامەرالارىن ورناتىپ, ەسىكتەرىڭىزگە سەنىمدى ق ۇلىپتار, تەرەزەلەرىڭىزگە تەمىر تورلار جاساتۋعا كەڭەس بەرەدى. مۇنداي قاۋىپسىزدىك شارالارى سىزدىڭ باعالى زاتتارىڭىزعا كوزى تۇسكەن ۇرىلاردىڭ جولىن كەسەتىنىن ۇمىتپاڭىز.
