ەستەرىڭىزگە سالا كەتەيىك, تۇركىستان وبلىسىنىڭ اۋماعىندا “قاۋىپسىز جول” جەدەل-الدىن الۋ شاراسى وتكىزىلدى. ونىڭ نەگىزگى مىندەتى جول-كولىك وقيعالارىنىڭ الدىن الۋ, وبلىس جولدارىندا ورىن الاتىن اپاتتىلىقتى ازايتۋ, جۇرگىزۋشىلەر اراسىندا كولىك ءتارتىبىن ارتتىرۋ جانە جول قاۋىپسىزدىك ەرەجەلەرىن ورەسكەل بۇزۋشىلىقتارىن انىقتاۋ بولىپ تابىلادى.
ناتيجەسىندە, ءۇش كۇننىڭ ىشىندە تۇركىستان قالاسىنىڭ پوليتسەيلەرى “قاۋىپسىز جول” جەدەل الدىن الۋ ءىس-شاراسىندا 562 اكىمشىلىك قۇقىق بۇزۋشىلىق, ونىڭ ىشىندە 480-نەن استام جول قوزعالىسى ەرەجەلەرىن بۇزۋدى انىقتادى. ءتارتىپ ساقشىلارى كولىكتى قۇجاتسىز باسقارعان ءتورت ماس جۇرگىزۋشى مەن 30-دان استام قۇجاتسىز جۇرگەن ءتارتىپ بۇزۋشىنى ۇستادى.
سونداي-اق, قاۋىپسىزدىك بەلدىگىن پايدالانباعانى ءۇشىن 108 جۇرگىزۋشى, كولىكتى باسقارۋ كەزىندە ۇيالى تەلەفونداردى پايدالانعانى ءۇشىن, اينەكتەردى كۇڭگىرتتەگەنى ءۇشىن 17 جۇرگىزۋشى جاۋاپكەرشىلىككە تارتىلدى. جول بەلگىلەرىمەن بەلگىلەنگەن تالاپتاردى ساقتاماعانى ءۇشىن 52 اۆتواۋەسقوي, جول قيىلىستارىنان ءوتۋ ەرەجەلەرىن بۇزعانى ءۇشىن 10, جۇرگىزۋشىلەردىڭ سىرتقى جارىق قۇرالدارىن پايدالانۋ ەرەجەلەرىن بۇزعانى ءۇشىن 43 جانە كولىك قۇرالدارىنىڭ قوزعالىسىنا كەدەرگى كەلتىرگەنى ءۇشىن 48 ادام جاۋاپكەرشىلىككە تارتىلدى. 20-دان استام قالا تۇرعىنىنا قاتىستى جاياۋ جۇرگىنشىلەردىڭ قوزعالىس ەرەجەلەرىن بۇزعانى ءۇشىن اكىمشىلىك حاتتاما تولتىرىلدى.
بۇدان باسقا, “قاۋىپسىز جول” جەدەل الدىن الۋ ءىس-شاراسى اياسىندا “نولدىك توزىمدىلىك” جەلىسى بويىنشا ءتارتىپ ساقشىلارى 30-دان استام ۇساق بۇزاقىلىق جايتىن, بەلگىلەنبەگەن ورىنداردا 11 ساۋدا جاساۋ جايتىن, ماس كۇيىندە قوعامدىق ورىندا ءجۇرۋدىڭ التى وقيعاسىن, سونداي-اق سەگىز ادامعا رۇقسات ەتىلمەگەن جەردە تەمەكى شەككەنى ءۇشىن ايىپپۇل سالىندى.
ءوز كەزەگىندە تۇركىستان قالاسىنىڭ پوليتسەيلەرى جول-كولىك وقيعالارىنىڭ الدىن الۋ, جول قوزعالىسىنا قاتىسۋشىلاردىڭ قاۋىپسىزدىگىن قامتاماسىز ەتۋ, قوعامدىق ءتارتىپ پەن كارانتيندىك ءتارتىپ تالاپتارىن ساقتاۋ ماقساتىندا جول قوزعالىسىنا قاتىسۋشىلارعا جقە ساقتاۋ تۋرالى جادنامالار, مەديتسينالىق بەتپەردەلەر تاراتتى. سونداي-اق جول قاۋىپسىزدىگىن ساقتاۋ ماڭىزدىلىعى تۋرالى ءتۇسىندىرۋ جۇمىستارىن جۇرگىزدى.
