ايماقتار • 16 تامىز، 2020

قىزىلوردا وبلىسىنىڭ اكىمى قالاداعى بىرقاتار نىساندى ارالادى

68 رەت كورسەتىلدى

 گۇلشارا ابدىقالىقوۆا قىزىلوردا قالاسىنداعى بىرقاتار نىساندى ارالادى. ايماق باسشىسىنا قالا اكىمى نۇرلىبەك نالىباەۆ «جۇمىسپەن قامتۋدىڭ جول كارتاسى» اياسىندا اتقارىلىپ جاتقان جۇمىستاردى باياندادى.

ءوڭىر باسشىسى الدىمەن نۇرسۇلتان نازارباەۆ داڭعىلىن اباتتاندىرۋ جۇمىسىمەن تانىستى. جوبانىڭ جالپى قۇنى - 500 ملن.تەڭگە. «اساناسدار» جشس مەردىگەر كومپانياسى قولعا العان جوبا اياسىندا 180 ادام جۇمىسپەن قامتىلعان. مامىر ايىنداعى باستالعان جۇمىستار قىركۇيەككە دەيىن تولىعىمەن اياقتالادى دەپ جوسپارلانىپ وتىر.

مۇنان كەيىن گۇلشارا ابدىقالىقوۆا «شۇعىلا» ىقشام اۋدانىنداعى №49، 50، 51، 52 ۇيلەرىندەگى جىلۋ جەلىلەرىن قايتا جاڭعىرتۋ جۇمىستارىن كوردى. قىسقا دايىندىق بارىسى جوسپارمەن جۇزەگە اسىپ جاتىر. بۇل اۋداندا قازىر 2671 شاقىرىم جىلۋ قۇبىرلارى جاڭعىرتىلۋدا. ايماق باسشىسى جوبامەن اينالىسىپ جاتقان «ساپاق» وك-گە بەلگىلەنگەن مەرزىمدە، ياعني، 21 قىركۇيەككە دەيىن بارلىق جۇمىستاردى اياقتاۋدى تاپسىردى. ويتكەنى اۋا-رايى كۇرت سۋىسا بارلىق جىلىتۋ جۇيەلەرى ساقاداي ساي بولۋ قاجەت.

وبلىس اكىمى «لوكوموتيۆ» ستاديونىن قايتا جاڭعىرتۋ جۇمىستارىمەن دە تانىستى. وبلىستىق دەنە شىنىقتىرۋ جانە سپورت باسقارماسىنىڭ باسشىسى جاقسىلىق وسپانوۆ كۇردەلى جوندەۋدەن ءوتىپ جاتقان سپورتتىق نىسان جايىندا باياندادى. ايتۋىنشا، 19 ماۋسىمدا باستالعان جۇمىستار 4 ايى ىشىندە اياقتالادى. جوبا اياسىندا 70 ادام جۇمىسپەن قامتىلعان. ونىڭ 35-ءى جۇمىسپەن قامتۋ ورتالىعى ارقىلى ورنالاسقان.

سونداي-اق گ.ابدىقالىقوۆا اقسۋات اۋىلدىق وكگرۋگىندەگى 38 جىلدىق تاريحى بار №143 ورتا مەكتەپكە باردى. مۇندا 624 وقۋشى ءبىلىم الادى. جۇمىسپەن قامتۋدىڭ جول كارتاسى اياسىندا كۇردەلى جوندەۋدەن ءوتىپ جاتقان ءبىلىم ورداسى جاڭا وقۋ جىلىنىڭ باستالۋىنا وراي پايدالانىلۋعا بەرىلەدى. ودان بولەك اقسۋاتتا «اۋىل – ەل بەسىگى» جوباسى اياسىندا 462 ملن.تەڭگە قارجىعا اباتتاندىرۋ جۇمىستارى جۇرگىزىلىپ، تۇرعىنداردىڭ يگىلىگىنە بەرىلۋدە.

وبلىس اكىمى قىزىلوردا قالاسىندا اتقارىلىپ جاتقان جۇمىستارعا وڭ باعاسىن بەرىپ، ءاربىر نىسان مەردىگەرلەردىڭ بەلگىلەنگەن مەرزىمى نەگىزىندە ەل يگىلىگىنە بەرىلۋ كەرەكتىگىن باسا ايتتى.

جالپى «جۇمىسپەن قامتۋدىڭ جول كارتاسى» اياسىندا وبلىس بويىنشا 276 ينفراقۇرىلىمدىق جوبانى ىسكە اسىرۋعا 36،9 ملرد. تەڭگە كولەمىندە قارجى ءبولىندى، ونىڭ ىشىندە قىزىلوردا قالاسىندا 17،7 ملرد.تەڭگەگە 97 جوبا جۇزەگە اسۋدا. جۇمىسپەن قامتۋدىڭ جول كارتاسى اياقتالعاننان كەيىن، جاڭا نىسانداردىڭ قۇرىلىسى ارقىلى 452 تۇراقتى جۇمىس ورىندارى اشىلادى.

سوڭعى جاڭالىقتار

الداعى ءۇش تاۋلىكتە كۇن سۋىتادى

اۋا رايى • بۇگىن، 11:55

ۇقساس جاڭالىقتار