پەتروپاۆل قالاسى پوليتسيا باسقارماسىنىڭ جەرگىلىكتى پوليتسيا قىزمەتى ءبولىمى قىزمەتكەرلەرىمەن الكوگولدىك ونىمدەردى زاڭسىز ساتۋ فاكتىسى انىقتالدى. قۇرامىندا ءسپيرتى بار 16,5 ليتر ءونىم الىنىپ, ساراپتاماعا جىبەرىلدى.
پوليتسياعا مۇقانوۆ كوشەسى بويىنداعى ازىق-ت ۇلىك دۇكەندەرىنىڭ بىرىندە الكوگول ونىمدەرىن زاڭسىز ساتۋ جولعا قويىلعاندىعى جونىندە اقپارات كەلىپ ءتۇستى. تەكسەرىس بارىسىندا اتالعان اقپارات راستالدى: 11 ساعات 45 مينۋتتا “پشەنيچنايا” اراعىنىڭ 0,5 ءليترىن 600 تەڭگەدەن ساۋدالاۋ فاكتىسى انىقتالدى. ۋچاسكەلىك پوليتسيا ينسپەكتورلارىمەن ماتەريال جينالىپ, 33 شولمەك الكوگول الىندى. بارلىق شولمەكتەردەگى اكتسيزدىك ماركالار ستاندارت بويىنشا جاپسىرىلماعان. الىنعان الكوگول ونىمدەرى ساراپتامعا جىبەرىلدى. دۇكەننىڭ يەسى ەتيل ءسپيرتىنىڭ كولەمدى ۇلەسى 30% اساتىندارىن ساعات 21-دەن كەلەسى كۇنگى ساعات 12-گە دەيىن بولشەك ساۋدا ارقىلى وتكiزگەنى ءۇشىن قر اقبتك 200-بابىنىڭ 3-بولىگى (قازاقستان رەسپۋبليكاسى زاڭناماسىنىڭ الكوگول ءونىمىن وتكىزۋ جونىندەگى تالاپتارىن بۇزۋ) بويىنشا اكىمشىلىك جاۋاپكەرشىلىككە تارتىلادى.
باپتىڭ سانكتسياسىمەن جەكە تۇلعالارعا 10, شاعىن كاسىپكەرلىك سۋبەكتىلەرى ءۇشىن 40 ايلىق ەسەپتىك كورسەتكىش مولشەرىندە ايىپپۇل تۇرىندەگى اكىمشىلىك جاۋاپكەرشىلىك قاراستىرىلعان.
سقو پد باستىعىنىڭ ءبىرىنشى ورىنباسارى قانات ايتباەۆتىڭ ايتۋىنشا, الكوگولدىك ماساڭ كۇيدە جاسالاتىن قىلمىستار مەن قۇقىق بۇزۋشىلىقتاردىڭ الدىن الۋ جۇمىستارى ۇدايى باقىلاۋدا. بيىلعى جىلدىڭ جەتى ايىندا وبلىس بويىنشا الكوگول ونىمدەرىن ساتۋعا قويىلاتىن تالاپتاردى بۇزۋدىڭ 88 فاكتىسى, زاڭسىز ساۋدانىڭ 134 فاكتىسى, سونداي-اق ەتيل ءسپيرتى اينالىمىنىڭ ەرەجەلەرىن بۇزۋدىڭ 8 فاكتىسى انىقتالدى. زاڭسىز اينالىمنان 500 ليتردەن استام الكوگول الىندى.
سونىمەن قاتار, جىل باسىنان الكوگولدىك ىشىمدىك ءىشۋ نەمەسە قوعامدىق ورىنداردا ماساڭ كۇيدە ءجۇرۋدىڭ 7172 فاكتىسى انىقتالدى.
