ءشامشى قالداياقوۆتىڭ تۋىپ-وسكەن ءۇيىنىڭ ۇلگىسىندە سالىنعان «مۋزەي-ءۇيى» دەمەۋشىلەردىڭ ەسەبىنەن جۇزەگە استى. مۋزەي قۇرىلىسى كەزىندە داڭقتى سازگەردىڭ كوزىن كورگەن ازاماتتاردىڭ ەستەلىكتەرى ەسەپكە الىنعان.
ء«شامشى قالداياقوۆ - قالىڭ قازاقتىڭ شەكسىز سۇيىسپەنشىلىگىنە بولەنگەن, ۇلتتىق əن ونەرىندە ايرىقشا ءىز قالدىرعان سەرى سازگەر, قازاق ءۆالسىنىڭ كورولى. ءدۇيىم جۇرت مويىنداعان بىرەگەي ونەر يەسى - ەگەمەندىگىمىزدىڭ ايبارى سانالاتىن əنۇران مۋزىكاسىنىڭ اۆتورى. سىرشىل سەزىمگە قۇرىلعان ليريكالىق اسەم تۋىندىلار كەلەشەكتە دە حالىقپەن بىرگە ماڭگى جاساي بەرسىن»,-دەدى ا.رايىمقۇلوۆا.
ءشəمشى قالداياقوۆتىڭ ماندوليناسى مەن قر ۇلتتىق مۋزەيى سىيعا تارتقان كومپوزيتوردىڭ باس كيىمى جəنە وزگە دە قولدانعان بۇيىمدارى مۇراجاي تورىنەن ورىن الدى.
"وسى ەلدە تۋىپ - وسكەن ءشامشى قالداياقوۆ بارشا قازاقتىڭ ماقتانىشى ەكەنى بەلگىلى. ەرەكشە تالانت يەسىنىڭ ەسىمىن تۇركىستان قالاسىنداعى مۋزىكالىق مەكتەپكە بەرەمىز, دەپ وتىرمىز. الدىنا ەسكەرتكىش ورناتىلادى. ءشامشى قالداياقوۆتىڭ 90 جىلدىق مەرەيتويىنا بيىل ءالى تالاي ءىس-شارالار ويلاستىرىلعان. جالپى, ۇلى سازگەردىڭ وشپەس تۋىندىلارىن تەك اتاۋلى كۇندەردە عانا ەمەس, كۇندەلىكتى ناسيحاتتاۋ كەرەك. بۇل وسكەلەڭ ۇرپاقتىڭ تاربيەسى ءۇشىن ماڭىزدى",- دەدى ومىرزاق ەستاي ۇلى.
ءشامشى قالداياقوۆتىڭ مەرەيتويىنا ارنالعان شارالار بۇل كۇندەرى ەلدەگى كارانتين جاعدايىنا وراي ونلاين تۇردە وتەتىن بولادى. رەسپۋبليكا بويىنشا سازگەردىڭ تۋعان كۇنىنە ارنالعان 100-دەن استام ونلاين جوبا جۇزەگە اسپاق.
