تۇركىستان وبلىسىندا ءشامشى قالداياقوۆ مۋزەيى اشىلدى

رۋحانيات • 14 تامىز، 2020

تۇركىستان وبلىسىندا ءشامشى قالداياقوۆ مۋزەيى اشىلدى

45 رەت كورسەتىلدى

تۇركىستان وبلىسىنىڭ وتىرار اۋدانىندا تۋىپ-ءوسىپ، "قازاق ءۆالسىنىڭ كورولى" اتانعان ءشامشى قالداياقوۆقا تۋعان جەرىندە مۋزەي اشىلدى. اتالعان شارا ۇلى كومپوزيتوردىڭ 90 جىلدىق مەرەيتويىنا ارنالدى. بۇل تۋرالى Egemen.kz تۇركىستان وبلىسىنىڭ وڭىرلىك كوممۋنيكاتسيالار قىزمەتىنە سىلتەمە جاساپ حابارلايدى.

Marzhan Tileubekova

"بۇگىن ايتۋلى مەرەكە. ءشامشى قالداياقوۆتىڭ تۋعانىنا 90 جىل تولىپ وتىر. الايدا، وسى وبلىسقا كەلگەلى ءشامشىنىڭ كىندىك قانى تامعان جەردە شامشىگە ارنالعان مۋزەيدىڭ جوق ەكەنىن ءبىلدىم. ءتىپتى ءبىزدىڭ بۇكىل رەسپۋبليكادا "قازاق ءۆالسىنىڭ كورولىنە" ارنالعان بىردە-ءبىر مۋزەي جوق. از ۋاقىت ىشىندە كەتكەن كەمشىلىكتىڭ ورنىن تولتىرۋ ءۇشىن تاپسىرما بەرىپ، دەمەۋشىلەر ەسەبىنەن ءشامشى مۋزەيىنىڭ اشىلۋىن قولعا الدىق. ءشامشى مۋزەيى – جيدەبايداعى اباي مۋزەيى سەكىلدى جاس كومپوزيتورلار مەن جاس انشىلەر ءتاۋ ەتەتىن زيارات ورنىنا اينالۋى ءتيىس"، - دەدى ومىرزاق شوكەەۆ.

اتاپ وتەيىك، بۇل نىسان ءشامشىنىڭ كوزىن كورگەن، ونىڭ ومىرىنە قانىق ازاماتتار ەستەلىگىن ەسەپكە الا وتىرىپ سالىندى.

مۋزەي ىشىندە ۇلى كومپوزيتوردىڭ ءوزى قولدانعان بۇيىمدارى، ساز شىعارۋعا سەپ بولعان ماندوليناسى سەكىلدى قۇندى جادىگەرلەر بار. ۇلتتىق مۋزەي ءشامشىنىڭ جاڭادان اشىلعان مۋزەيىنە كومپوزيتوردىڭ باس كيىمىن اكەلىپ تارتۋ ەتتى.

ءشامشى مۇراعاتىن كۇتىپ-باپتاۋ ءۇشىن مەكەمە وبلىستىق مۋزەيدىڭ فيليالى رەتىندە اشىلىپ، ارنايى شتات سانىمەن ماماندارى جۇمىس ىستەيتىن بولادى. كەلگەن تۋريستەر مەن قوناقتارعا بارلىق جاعداي جاسالادى.

وسكەلەڭ ۇرپاققا ءشامشىنى ناسيحاتتاۋ جۇمىستارى مۇنىمەن توقتاپ قالمايدى. ەڭ الدىمەن وبلىس ورتالىعىنداعى جاڭا مۋزىكا مەكتەبىنە ءشامشى قالداياقوۆ ەسىمى بەرىلسە، مۋزىكا مەكتەبىنىڭ الدىندا ەڭسەلى ەسكەرتكىشى بوي كوتەرەدى. سونداي-اق تۇركىستان قالاسىنداعى كوشەلەردىڭ ءبىرى سازگەر ەسىمىمەن اتالادى.