ءىس-شارا بارىسىندا اقپارات جانە قوعامدىق دامۋ ۆيتسە-ءمينيسترى بولات تىلەپوۆ "رۋحاني جاڭعىرۋ" باعدارلاماسىنىڭ ىسكە اسىرىلۋ بارىسىن جانە نەگىزگى ناتيجەلەرىن ايتىپ ءوتتى.
بۇگىنگى تاڭدا باعدارلامانى باسقارۋ بويىنشا جەرگىلىكتى اتقارۋشى ورگاندار جانە وڭىرلىك جوبالىق كەڭسەلەرمەن جۇمىس جانداندىرىلدى, تالدامالىق جانە ادىستەمەلىك سۇيەمەلدەۋدى قامتاماسىز ەتەتىن قازاقستاندىق قوعامدىق دامۋ ينستيتۋتىنىڭ قىزمەتى جولعا قويىلدى.
باعدارلامانىڭ جۇيەلەنگەن نەگىزگى 3 باعىتى بەكىتىلدى: "تۇلعالىق دامۋ", "ۇلتتىق بىرەگەيلىك جانە حالىقارالىق مارتەبەنى ارتتىرۋ", "مەملەكەتتىڭ, ازاماتتىق قوعامنىڭ جانە جەرگىلىكتى قوعامداستىقتاردىڭ دامۋى".
2020 جىلدىڭ ءبىرىنشى جارتىجىلدىعىندا باعدارلاما اياسىندا 228 نىسان سالىندى. ونىڭ ىشىندە 2 مەكتەپ, 2 بالاباقشا, 19 مادەنيەت وبەكتىلەرى, 36 سپورت الاڭدارى, 31 بالالار الاڭدارى جانە ت.ب.
سونداي-اق 129 نىسان رەكونسترۋكتسيالاندى. ونىڭ ىشىندە 28 مەكتەپ, 5 بالاباقشا, 13 مادەنيەت وبەكتىلەرى, 14 سپورت الاڭدارى, 68 از قامتىلعان وتباسىلارعا ارنالعان ۇيلەر, پاتەرلەر, 1 مەديتسينالىق مەكەمە, 5 بالالار الاڭدارى جانە ت.ب. جالپى اعىمداعى جىلدىڭ ءبىرىنشى جارتىجىلدىعىندا 1231 مەتسەنات قولداۋ كورسەتتى.
باعدارلامانىڭ ارنايى جوبالارىن ىسكە اسىرۋ بويىنشا كەلەسىدەي مىسالداردى كەلتىرۋگە بولادى.
وسكەلەڭ ۇرپاقتىڭ ادامي كاپيتالىنىڭ ساپاسىن ارتىرۋ ماقساتىندا 2020 جىلدىڭ مامىر ايىندا قوستاناي وبلىسى امانگەلدى اۋدانىنداعى ءا.بورانباەۆ اتىنداعى ورتا مەكتەپتە جەرگىلىكتى كاسىپكەرلەر ەسەبىنەن روبوتوتەحنيكا كابينەتى اشىلدى. جوبانىڭ قۇنى – 8 ملن تەڭگە.
"جاھاندىق الەمدەگى زاماناۋي قازاقستاندىق مادەنيەت" ارنايى جوباسى اياسىندا بارلىعى 360 ءىس-شارا وتكىزىلىپ, 171 620 ادام قامتىلدى.
ارنايى جوبانىڭ ماقساتى قازاقستاننىڭ حالىقارالىق كەڭىستىكتەگى مادەني جەتىستىكتەرىن دارىپتەۋ, ونى الەمدىك ستاندارتتار دەڭگەيىنە كوتەرۋ بولىپ تابىلادى. پاۆلودار وبلىسىندا, ءداستۇرلى ءانشى, حالىقارالىق كونكۋرستاردىڭ لاۋرەاتى جانبولات بايسولتاننىڭ تىكەلەي ەفيردەگى ءدارىس-كونتسەرتى ءوتتى. يسا بايزاقوۆ اتىنداعى وبلىستىق فيلارمونيا قازاق حالىق اسپاپتار وركەسترىنىڭ نۇرعيسا تىلەنديەۆتىڭ 95-جىلدىعىنا ارنالعان مونو-كونتسەرتىن يۋتۋب كانالدا جاريالادى.
باعدارلاما اياسىندا قولدا بار مۇمكىندىكتى دۇرىس پايدالانۋ مەن ءبولۋدى كوزدەيتىن پراگماتيكالىق ءومىر سالتىن قازاقستاندىقتاردىڭ قۇندىلىق باعدارلارى جۇيەسىنە ەنگىزۋ ءۇشىن "ۇنەم – قوعام قۋاتى" ارنايى جوباسى ازىرلەندى. جوبا اياسىندا جاستار اراسىندا جوعارى تالعامدى قالىپتاستىرۋ, مىنەز-ق ۇلىق نورمالارىن دامىتۋ, كىتاپ وقۋ مادەنيەتىن قالىپتاستىرۋعا باعىتتالعان ناقتى ءىس-شارالاردى جۇزەگە اسىرۋ قولعا الىنادى.
سونىمەن قاتار ۇمىت بولعان, بىراق ىزگىلىك جانە تاربيە قۇندىلىعى تۇرعىسىنان قازىرگى زاماندا وزەكتى بولىپ وتىرعان ءداستۇردى قايتا جانداندىرۋعا باعىتتالعان ء"داستۇر مەن عۇرىپ" جوباسى ىسكە قوسىلادى.
اعىمداعى جىلى ىسكە قوسىلاتىن جاڭا جوبالاردىڭ ءبىرى – "قۇقىقتىق مادەنيەت" ارنايى جوباسى. باعدارلامانىڭ باستى قاعيداتتارىنىڭ ءبىرى – باسەكەگە قابىلەتتى ۇلت قالىپتاستىرۋ ءۇشىن حالىقتىڭ قۇقىقتىق مادەنيەتىن قالىپتاستىرۋعا باعىتتالعان ءىس-شارالار كەشەنى ۇيىمداستىرىلاتىن بولادى.
وسىعان قوسا, باعدارلاما اياسىندا ۇسىنىلعان "ەڭبەك – ەلدىڭ مۇراتى" ارنايى جوباسى شەڭبەرىندە وسكەلەڭ ۇرپاق ءۇشىن رولدىك مودەل بولاتىن قاجىرلى ەڭبەكتىڭ ارقاسىندا ءوز كاسىبي سالاسىندا تابىسقا جەتكەن ادامداردىڭ ءومىرى مەن قىزمەتى كەڭىنەن ناسيحاتتالىپ, بارلىق جاستاعىلار ءۇشىن كاسىپتىك باعدار بەرۋ جۇمىسى كۇشەيتىلەتىن بولادى.
بريفينگ بارىسىندا "ۇلتتىق اۋدارما بيۋروسى" قوعامدىق قورىنىڭ اتقارۋشى ديرەكتورى راۋان كەنجەحان ۇلى باعدارلامانىڭ "جاڭا گۋمانيتارلىق ءبىلىم. قازاق تىلىندەگى 100 جاڭا وقۋلىق" جوباسى شەڭبەرىندە قازاق تىلىنە اۋدارىلعان وقۋلىقتار ەلىمىزدىڭ 132 جوعارى وقۋ ورنىنىڭ ءبىلىم بەرۋ پروتسەسىنە ەنگىزىلگەنىن اتاپ ءوتتى.
تالقىلاۋدى قورىتىندىلاي كەلە, باعدارلامانى ىسكە اسىرۋدىڭ وڭ ناتيجەلەرىن, تيىمدىلىگىن جانە جاڭا سەرپىنىن بايقاۋعا بولادى.
