قازاقستاننىڭ مونعولياداعى ەلشىسى جالعاس ادىلباەۆ موڭعوليا پرەمەر-ءمينيسترىنىڭ ورىنباسارى - توتەنشە جاعدايلار جونىندەگى مەملەكەتتىك كوميسسيانىڭ توراعاسى يانگۋگ سودبااتارمەن كەزدەسىپ, ەكىجاقتى ىنتىماقتاستىق ماسەلەلەرىن تالقىلادى.
كەزدەسۋ باسىندا ديپلومات يا.سودبااتاردى موڭعوليا پرەمەر-ءمينيسترىنىڭ ورىنباسارى قىزمەتىنە تاعايىندالۋىمەن قۇتتىقتاپ, قىزمەتىنە ساتتىلىك تىلەدى.
كەزدەسۋ بارىسىندا ەلشى موڭعوليا ۇكىمەتىنىڭ ەلدە كوروناۆيرۋس ىندەتىنىڭ تارالۋىنىڭ الدىن الۋ ماقساتىندا جۇرگىزىلىپ جاتقان پروفيلاكتيكالىق شارالاردىڭ تيىمدىلىگىن اتاپ ءوتتى.
سونىمەن قاتار, قازاقستان مەن موڭعوليا ازاماتتارىن وتانىنا قايتارۋ جونىندەگى جۇمىستى ۇيلەستىرۋ ماقساتىندا ءۇ.ج. تامىز ايىندا ۇلان-باتىر - نۇر-سۇلتان – ۇلان-باتىر باعىتى بويىنشا ارنايى رەيستى ۇيىمداستىرۋ تۋرالى ماسەلەلەر تالقىلاندى.
سونىمەن قاتار, تاراپتار ساياسي جانە ساۋدا-ەكونوميكالىق سالالارداعى ەكىجاقتى ىنتىماقتاستىقتى ودان ءارى دامىتۋ مۇمكىندىكتەرىن تالقىلادى.
