ايماقتار • 12 تامىز، 2020

سولتۇستىك قازاقستاندا جول-كولىك وقيعاسىنان 2 ادام كوز جۇمدى

21 رەت كورسەتىلدى

سولتۇستىك قازاقستان وبلىسىندا ەكى ادام كوز جۇمعان جول-كولىك وقيعاسى فاكتىسى بويىنشا تەرگەۋ جۇرگىزىلۋدە. بۇل تۋرالى Polisia.kz-كە سىلتەمە جاساي وتىرىپ Egemen.kz حابارلايدى.

11 تامىز كۇنى ساعات 15:20-دا قىزىلجار اۋدانى پەنكوۆو اۋىلىنىڭ ماڭىنداعى "چەليابى – ءنوۆوسىبىر" جولىندا "Toyota Camry" كولىگىن باسقارعان ماعجان جۇماباەۆ اۋدانىنىڭ 62 جاستاعۆ تۇرعىنى قارسى باعىتقا شىعىپ كەتىپ، بۋلاەۆو قالاسىنىڭ 56 جاستاعى تۇرعىنى باسقارعان "كاماز" اۆتوكولىگىمەن بەتپە-بەت سوعىلعان.

جول-كولىك وقيعاسى سالدارىنان "Toyota Camry" اۆتوكولىگىنىڭ جۇرگىزۋشىسى جانە 1957 جىلعى جولاۋشىسى العان جاراقاتتارىنان وقيعا ورنىندا قازا تاپتى. "كاماز" جۇرگىزۋشىسى زارداپ شەككەن جوق. سقو پد باستىعىنىڭ ءبىرىنشى ورىنباسارى قانات ايتباەۆتىڭ ايتۋىنشا، جول-كولىك وقيعاسى فاكتىسى سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىنە 345-بابى 4-بولىگى (كولiك قۇرالدارىن باسقاراتىن ادامداردىڭ جول ءجۇرىسى نەمەسە كولiك قۇرالدارىن پايدالانۋ قاعيدالارىن بۇزۋى) بويىنشا ەنگىزىلدى.

بىرقاتار قاجەتتى ساراپتاما تاعايىندالىپ، جۇرگىزىلۋدە. بيىلعى جىلدىڭ جەتى ايىندا سقو-دا 98 جول-كولىك وقيعاسى تىركەلدى، 13 ادام قايتىس بولىپ، 129-ى جاراقات الدى. پوليتسەيلەر بارلىق جول قوزعالىسىنا قاتىسۋشىلاردى جول قوزعالىسى قاعيدالارىن قاتاڭ ۇستانۋ قاجەتتىگى تۋرالى ەسكەرتەدى.

سوڭعى جاڭالىقتار

ۇقساس جاڭالىقتار