ەكونوميكا • 11 تامىز، 2020

جەرگىلىكتى بيۋدجەتتەردىڭ مەنشىكتى كىرىستەرى 120%-عا ورىندالدى — ە. جاماۋباەۆ

10 رەت كورسەتىلدى

پرەمەر-مينيستر اسقار ءماميننىڭ توراعالىعىمەن وتكەن ۇكىمەت وتىرىسىندا قارجى ءمينيسترى ەرۇلان جاماۋباەۆ قازاقستان رەسپۋبليكاسىنىڭ 2020 جىلعى 7 ايداعى مەملەكەتتىك بيۋدجەتىنىڭ اتقارىلۋى تۋرالى باياندادى. بۇل تۋرالى پرەمەر-ءمينيستردىڭ ءباسپاسوز قىزمەتىنە سىلتەمە جاساي وتىرىپ Egemen.kz حابارلايدى.

بيىلعى 7 ايدىڭ قورىتىندىسى بويىنشا مەملەكەتتىك بيۋدجەتكە 4 ترلن 468 ملرد تەڭگە سوماسىندا كىرىس ءتۇستى نەمەسە جوسپار 94،7%-عا ورىندالدى. رەسپۋبليكالىق بيۋدجەتكە 2 ترلن 714 ملرد تەڭگە سوماسىندا كىرىس ءتۇستى نەمەسە جوسپار 83،3%-عا ورىندالدى. كىرىستەر بويىنشا جوسپاردىڭ اتقارىلماۋى 544 ملرد تەڭگەنى قۇرادى.

نەگىزگى اتقارىلماۋ سومالارى قوسىلعان قۇن سالىعى جانە كورپوراتيۆتىك تابىس سالىعىنا تيەسىلى بولدى. كورپوراتيۆتىك تابىس سالىعىنىڭ اتقارىلماۋىنا كەلەسى فاكتورلار اسەر ەتتى: نەگىزگى ەكسپورتتىق پوزيتسيالار بويىنشا باعانىڭ ورتا ەسەپپەن 16،1%-عا قۇلدىراۋى، بۇل تاۋ-كەن سەكتورىنداعى ءىرى سالىق تولەۋشىلەردەن تۇسەتىن تۇسىمدەردىڭ 120 ملرد تەڭگەگە ازايۋىنا اكەپ سوقتىردى;

830 ءىرى سالىق تولەۋشى بويىنشا مالىمدەلگەن اۆانستىق تولەمدەر سوماسىنىڭ وتكەن جىلدىڭ 7 ايىمەن سالىستىرعاندا 184،3 ملرد تەڭگەگە تومەندەۋى; ەكىنشى دەڭگەيلى بانكتەردەن تۇسەتىن تۇسىمدەردىڭ 30 ملرد تەڭگەگە ازايۋى. قوسىلعان قۇن سالىعى بويىنشا جوسپاردىڭ نەگىزگى اتقارىلماۋ سەبەپتەرى: 2019 جىلدان باستاپ ەداۋىر اۋىسپالى دەبەتتىك قالدىقتىڭ بولۋىنا بايلانىستى وتكەن جىلدىڭ ۇقساس كەزەڭىمەن سالىستىرعاندا قوسىلعان قۇن سالىعىن قايتارۋدىڭ 84،4%-عا نەمەسە 218،3 ملرد تەڭگەگە ءوسۋى;

"ەلەكتروندىق شوت-فاكتۋرالار" اج دەرەكتەرى بويىنشا ساتۋ اينالىمدارىنىڭ 12،4%-عا ازايۋى. نەگىزگى تومەندەۋ تاۋ-كەن ونەركاسىبى سالاسىنا تيەسىلى، وندا اينالىمدار 2019 جىلدىڭ ۇقساس كەزەڭىمەن سالىستىرعاندا 34،4%-عا نەمەسە 3،5 ترلن تەڭگەگە تومەندەگەن;

كارانتين رەجيمى ەنگىزىلۋىنە بايلانىستى ىسكەرلىك بەلسەندىلىكتىڭ تومەندەۋى شامامەن 19،3 مىڭ سالىق تولەۋشى تولەمدەرىن 187 ملرد تەڭگەگە تومەندەتتى; قازاقستان رەسپۋبليكاسىنىڭ ءۇشىنشى ەلدەرمەن تاۋار اينالىمى 9،1%-عا، ونىڭ ىشىندە ماۋسىم ايىندا 23،6%-عا تومەندەۋى جانە قىتاي حالىق رەسپۋبليكاسىنان تاۋارلار يمپورتتايتىن كولىك قۇرالدارىنىڭ سانى 16،7%-عا تومەندەۋى.

جەرگىلىكتى بيۋدجەتتەردىڭ مەنشىكتى كىرىستەرى 120%-عا اتقارىلدى جانە 1 ترلن 754 ملرد تەڭگەنى قۇرادى. جوسپار 294 ملرد تەڭگەگە اسىرا ورىندالدى. ونىڭ ىشىندە سالىقتار بويىنشا — 277 ملرد تەڭگە. بارلىق وڭىرلەردە كىرىستەر جوسپارلارى اسىرا ورىندالدى. مەملەكەتتىك بيۋدجەتتىڭ شىعىستارى 98،6%-عا، رەسپۋبليكالىق بيۋدجەتتىڭ شىعىستارى 99،1%-عا، جەرگىلىكتى بيۋدجەتتەردىڭ شىعىستارى 98،5%-عا اتقارىلدى. رەسپۋبليكالىق بيۋدجەتتىڭ شىعىستارى 8 ترلن 136 ملرد تەڭگەنى قۇرادى. 74 ملرد تەڭگەگە اتقارىلماعان. ونىڭ ىشىندە ۇنەمدەۋ – 13 ملرد تەڭگە، يگەرىلمەگەنى – 61 ملرد تەڭگە.

"يگەرىلمەۋدىڭ نەگىزگى سەبەپتەرى: كونكۋرستىق راسىمدەردى، شارتتاردى جاساۋ راسىمدەرىن ۇزاق وتكىزۋ، ورىندالعان جۇمىستار اكتىلەرىن ۇسىنباۋ، كارانتيندىك شەكتەۋلەرگە بايلانىستى تاۋارلاردى جەتكىزبەۋ، ناقتى كورسەتىلگەن قىزمەتتەر كولەمىنە، ورىندالعان جۇمىس ءۇشىن تولەۋ"، دەدى مينيستر.

جەرگىلىكتى بيۋدجەتتەردىڭ شىعىستارى 4 ترلن 172 ملرد تەڭگەنى قۇرادى. 62 ملرد تەڭگەگە اتقارىلماعان. بيىل وڭىرلەرگە سوماسى 2،3 ترلن تەڭگەگە نىسانالى ترانسفەرتتەر كوزدەلگەن. الدىن الا دەرەكتەر بويىنشا 1 تامىزعا ولارعا 1،1 ترلن تەڭگە ءبولىندى.

ونىڭ ىشىندە 98،3%-ى يگەرىلگەن. اتقارىلماعانى – 19 ملرد تەڭگە. ونىڭ ىشىندە ۇنەمدەۋ – 4 ملرد تەڭگە، يگەرىلمەگەنى – 15 ملرد تەڭگە. وتكەن 7 ايدا كامەرالدىق باقىلاۋمەن سوماسى 7،5 ترلن تەڭگەگە 1 ملن-نان اسا مەملەكەتتىك ساتىپ الۋ ءراسىمى قامتىلدى. تەكسەرۋ قورىتىندىلارى بويىنشا سوماسى 647 ملرد تەڭگەگە بۇزۋشىلىقتار ەسكەرتىلدى. 933 اۋديتورلىق ءىس-شارا وتكىزىلدى. اۋديتپەن 543 ملرد تەڭگە بيۋدجەت قاراجاتى قامتىلدى.

سوماسى 168 ملرد تەڭگەگە قارجىلىق بۇزۋشىلىقتار انىقتالدى. تاۋارلار جەتكىزىلىمىن قالپىنا كەلتىرۋ، قىزمەتتەر كورسەتۋ جانە جۇمىستاردى ورىنداۋ، بيۋدجەتكە وتەۋ جانە ەسەپ بويىنشا كورسەتۋ جولىمەن 161،5 ملرد تەڭگەگە بۇزۋشىلىقتار جويىلدى. اۋديت وبەكتىلەرى قىزمەتىن جەتىلدىرۋ جانە تيىمدىلىگىن ارتتىرۋ ءۇشىن 834 ۇسىنىم بەرىلدى. ونىڭ ىشىندە 691-ءى اتقارىلدى. 2016-2020 جىلدارعا ارنالعان جەكەشەلەندىرۋدىڭ كەشەندى جوسپارى 93%-عا ورىندالدى. 2020 جىلى 70 وبەكتىنى ساتۋ جوسپارلانىپ وتىر. ونىڭ ىشىندە 40-عى ساتىلىمعا شىعارىلدى.

ەسەپتى كەزەڭدە سوماسى 88،4 ملرد تەڭگەگە 6 وبەكت ساتىلدى. ساۋدا-ساتتىقتا 34 وبەكت تۇر. 4 وبەكت قايتا ۇيىمداستىرۋعا جانە تاراتۋعا باعىتتالعان. 26 وبەكت جىل سوڭىنا دەيىن ساتىلىمعا قويىلاتىن بولادى.

سوڭعى جاڭالىقتار

ەل گازەتىنىڭ جاڭا جوباسى

وقيعا • بۇگىن، 08:05

ءبىلىم – باستى قۇندىلىق

ايماقتار • بۇگىن، 07:40

ءاسانالى جانە «اي مەن ايشا»

تانىم • بۇگىن، 07:26

حاتتار، حاتتار...

تانىم • بۇگىن، 07:08

«قاراقشىلىق» قارەكەتى

تانىم • بۇگىن، 06:56

قۇمىرسقالار قالاشىعى

وقيعا • بۇگىن، 06:45

كاسىپورىنداردىڭ تيىمدىلىگى ارتادى

تەحنولوگيا • بۇگىن، 06:33

جۇمىسپەن قامتۋ – باستى مىندەت

ساياسات • بۇگىن، 06:28

ابدىراماي العا ۇمتىلعاندار

ايماقتار • بۇگىن، 06:16

ەل دامۋىنا سەرپىن بەرەدى

پىكىر • بۇگىن، 06:06

كوسوبۋتسكيدىڭ قارسىلاسى كىم؟

كاسىپقوي بوكس • بۇگىن، 06:00

شىعىسقا قار ءتۇستى

ايماقتار • كەشە

ۇقساس جاڭالىقتار