قوعام • 10 تامىز، 2020

ەلوردا اكىمى التاي كولگىنوۆ قالا تۇرعىندارىنا ۇندەۋ جاسادى

842 رەت كورسەتىلدى

التاي كولگىنوۆ نۇر-سۇلتان تۇرعىندارىن كارانتين كەزەڭىنەن كەيىن دە ساقتىق شارالارى مەن سانيتاريا نورمالارىن بارىنشا ساقتاۋعا شىقىردى. بۇل تۋرالى اكىم ءوزىنىڭ Instagram پاراقشاسىندا جازدى، دەپ حابارلايدى Egemen.kz اكىمدىكتىڭ رەسمي سايتىنا سىلتەمە جاساپ.

ء"بىز كارانتيننەن كەيىنگى ەپيدەميولوگيالىق جاعدايدىڭ قالاي بولارىنا تالداۋ جاسادىق. بولجامعا سايكەس، جاعداي بىردەن جاقسارىپ كەتپەيدى. ورۆي ماۋسىمىن ەسكەرسەك جىلداعىداي مەديتسينالىق مەكەمەلەرگە اۋرتپالىق تۇسەدى. قازىردىڭ وزىندە دايىندىق جۇمىستارىن جۇرگىزىپ جاتىرمىز. ەمحانا، اۋرۋحانالارعا قوسىمشا كومەك كورسەتىلدى. 600-دەن استام فلۋومەتر، 500-گە جۋىق وتتەگى كونتسەنتراتورى، 500-گە جۋىق ارنايى توسەك-ورىن، وكپەنى جاساندى جەلدەتۋ جانە كت اپپاراتتارى الىندى.

الداعى ۋاقىتتا جەدەل جاردەم كولىكتەرى دە جەتكىزىلەدى. ەكى اپتا ىشىندە قالاعا 110 توننادان استام ءدارى جەتكىزىلدى. ءبىز بۇل جۇمىستاردى جۇيەلى نەگىزدە جالعاستىرا بەرەمىز. قاجەت بولعان جاعدايدا توسەك-ورىن بارلىق 16 ينفەكتسيالىق ستاتسيوناردا قايتا اشىلادى.

سپورتتىق عيماراتتار مەن باسقا دا بىرقاتار نىسان كەز كەلگەن ساتتە ورنىدار ازىرلەي الادى. جاسىراتىنى جوق، قالا تۇرعىندارى العاشقى كارانتيننەن كەيىن سانيتاريا نورمالارىن ساقتانبادى. بۇل كەرى اسەرىن تيگىزىپ، ىندەتكە شالدىققانداردىڭ سانى كۇرت ءوستى. دارىگەرلەر مەن مەديتسينالىق ۇيىمدار مۇمكىندىگىنشە بارىن سالىپ جۇمىس ىستەدى. كارانتين شارالارى عانا جاعدايدى تۇراقتاندىرۋعا مۇمكىندىك بەردى. ينفەكتسيالىق ستاتسيونارلارداعى توسەك-ورىنعا سۇرانىس شىلدە ايىنىڭ باسىنان باستاپ 99%-دان 18،5%-عا دەيىن تومەندەدى. 16 ستاتسيوناردىڭ بەسەۋى جابىلدى. ولاردا بولعان بارلىق ناۋقاستار جازىلىپ شىقتى. كۆي ماسەلەلەرى بويىنشا جەدەل جاردەم شاقىرۋ سانى 9،5 ەسەگە جۋىق تومەندەپ، تاۋلىگىنە 500-دەن 53-كە دەيىن ازايدى.

ستاتسيونارلاردا پنەۆمونيامەن اۋىراتىن ناۋقاستاردىڭ سانى 6 ەسە قىسقاردى. №1 جانە №2 قالالىق بالالار اۋرۋحاناسى تامىز ايىنىڭ باسىنان باستاپ بۇرىنعى رەجيمدە جۇمىس ىستەي باستادى. ەرتەڭنەن باستاپ قالالىق ەمحانالار جوسپارلى قابىلداۋدى قايتا جالعاستىرادى. بىراق ىندەتتى جۇقتىرۋ قاۋپى جويىلدى دەۋگە ءالى ەرتە. ينفەكتسيانى توقتاتۋ ءۇشىن ساقتىق شارالارى مەن سانيتاريا نورمالارىن بارىنشا ساقتاۋ قاجەت"، - دەپ جازدى التاي كولگىنوۆ.

سوڭعى جاڭالىقتار

تاعى ءبىر اكىم قىزمەتىنەن كەتتى

ايماقتار • بۇگىن، 18:06

مەننيدىڭ تاعى ءبىر مارتتىگى

كاسىپقوي بوكس • بۇگىن، 16:32

ۇقساس جاڭالىقتار