تمد مەملەكەتارالىق باعدارلاماسىن ىسكە اسىرۋ اياسىندا ونلاين رەجيمىندە وتكىزىلەتىن ءىس-شارالار جوسپارىنا سايكەس "شىمكەنت 2020 - تمد-نىڭ مادەني استاناسى" جىلى اياسىندا 10-30 تامىز ارالىعىندا دوستاستىق ەلدەرى اراسىندا قازاقتىڭ ۇلى ويشىل اقىنى اباي قۇنانباي ۇلىنىڭ 175 جىلدىعىنا ارنالعان "اباي ءسوزى" ونلاين وقۋلارى وتەدى. تمد ەلدەرىنىڭ قاتىسۋشىلارى اباي شىعارمالارىن ءوز تىلىندە نەمەسە قازاق تىلىندە وقيدى.
10 تامىزدان باستاپ اباي كۇنىنە وراي شىمكەنت قالاسىنىڭ مادەنيەت جانە ونەر مەكەمەلەرىندە ونلاين فورماتتا ءىس-شارالار ۇيىمداستىرىلادى. اتاپ ايتقاندا, قالالىق كىتاپحانالاردا "الەم تانىعان ۇلى اباي", "اباي دانالىعى – حالىق مۇراسى", "ەلىم - جەرىم دەپ, بار عۇمىرىن پاش ەتكەن ۇلى تۇلعا", "ابايدىڭ ءسوزى – قازاقتىڭ بويتۇمارى" اتتى ونلاين كىتاپ وقۋ, ادەبي سازدى كەشتەر مەن ۆيرتۋالدى كىتاپ كورمەلەرى, ادەت-عۇرىپ جانە سالت-ءداستۇر ورتالىعىندا "ابايدى قالاي تانىدىم؟!" اتتى تانىمدىق تاربيە ساعاتى ۇيىمداستىرىلادى.
ج.شانين اتىنداعى اكادەميالىق قازاق دراما تەاترى " ۇلى ابايعا 175 جىل, اباي بەينەسى" "پاراسات" وردەنىنىڭ يەگەرى, قازاقcتاننىڭ ەڭبەك سىڭىرگەن ءارتيسى ساپار وتەمىس ۇلىمەن ونلاين-ەفيرىن, قالالىق ورىس دراما تەاترى "اباي جولى" ونلاين-باعدارلاماسىن, قالالىق وزبەك دراما تەاترى م.اۋەزوۆتىڭ "اباي" ونلاين-دراماسىن, قالالىق وپەرا جانە بالەت تەاترى "اباي ارمانى" ونلاين-كونتسەرتىن, قالالىق ءازىل جانە ساتيرا تەاترى "جۇرەگىم نەنى سەزەسىڭ؟!" اتتى پوەتيكالىق-درامالىق قويىلىمىن, قالالىق قۋىرشاق جانە ءجاسوسپىرىم تەاترى "دارا تۇلعا" ونلاين-پوەتيكالىق دراماسىن, شىمكەنت-تسيركى "X-BAND" دجاز وركەسترىنىڭ ونلاين-كونتسەرتىن Instagram جانە Facebook پاراقشالارى مەن Youtube ارناسىنداعى ءوز كورەرمەندەرىنە ۇسىنادى.
