ەلوردا • 08 تامىز، 2020

ەلوردادا "1000 ساۋدا ورنى جوباسى" بويىنشا 37 ۋچاسكە ءبولىندى

49 رەت كورسەتىلدى

ولاردىڭ جارتىسىنا جۋىعى الەۋمەتتىك وسال توپتارعا جاتاتىن ازاماتتارعا بەرىلدى. بۇل تۋرالى نۇر-سۇلتان قالاسى اكىمدىگىنىڭ رەسمي سايتىنا سىلتەمە جاساي وتىرىپ Egemen.kz حابارلايدى.

ايىم ءداۋىت

2020 جىلعى قاڭتار-ماۋسىم ايلارىندا قازاقستان استاناسىندا "Astana" اكك" ۇك اق "1000 ورىن –كوشە ساۋداسى" باعدارلاماسىن ىسكە اسىرۋ شەڭبەرىندە 37 جەر ۋچاسكەسىن قوسالقى جالداۋ شارتى جاسالدى: حالىقتىڭ الەۋمەتتىك وسال توپتارىنا جاتاتىن تۇلعالار ءۇشىن "اتامەكەن" وكپ كۆوتاسى بويىنشا 16 ۋچاسكە، www.gosreestr.kz پورتالىنداعى ساۋدا قورىتىندىسى بويىنشا 21 ۋچاسكە ءبولىندى.

"11 جەر ۋچاسكەسى دايىن ءونىم نىساندارىنا: سۋسىندار، بالمۇزداق، فاستفۋد، ەكەۋى – ءموبيلدى تەحنيكالىق قىزمەت كورسەتۋ ءۇشىن، ءۇش ۋچاسكە – تاماق ونىمدەرىن ساتاتىن ستاتسيونارلىق ەمەس نىساندارعا (شۇجىق، ءسۇت، نان – توقاش)، ءبىر جەر ۋچاسكەسى – تۇرمىستىق قىزمەت كورسەتۋ سەرۆيسىنىڭ ستاتسيونارلىق ەمەس نىسانىن ورنالاستىرۋ ءۇشىن، ۇشەۋى – گۇل پاۆيلوندارى ءۇشىن جانە 17 ۋچاسكە-جەمىستەر مەن كوكونىستەردى ساتۋ ءۇشىن ءبولىندى"، دەپ حابارلايدى "Astana" اكك" ۇك" اق.

"1000 ورىن – كوشە ساۋداسى" – بۇل كوشە ساۋداسىن رەتتەۋ، كوشە ساۋداسى سالاسىنداعى قىزمەتتەردىڭ ساپاسىن جاقسارتۋ، كاسىپكەرلىك سۋبەكتىلەرى ءۇشىن اكىمشىلىك راسىمدەردى جەڭىلدەتۋ، قاجەتتى ستاندارتتاردى ساقتاي وتىرىپ، قالالىق ستاتسيونارلىق ەمەس ساۋدا وبەكتىلەرىندە ساۋدا قۇقىعىن بەرۋدىڭ اشىق، قاراپايىم تەتىگىن قۇرۋ. "1000 ورىن – كوشە ساۋداسى" جوباسىنا قاتىسۋ ءۇشىن يپ/جشس تۋرالى كۋالىگى مەن سالىقتا قارىزى جوق دەگەن انىقتاما عانا كەرەك.

جالعا الۋدىڭ قۇنى جىلىنا 1 شارشى مەترى 20 مىڭ تەڭگە. بىراق كاسىپكەر جەڭىپ شىققان جاعدايدا بەكىتىلگەن ەكستەرەرگە سايكەس پاۆيلوندى ءوزى ورناتۋى ءتيىس جانە كوممۋنيكاتسيانى دا ءوزى قوسادى. باعدارلامانى ىسكە اسىرۋدىڭ قاعيداسى قاراپايىم جانە ەكى كەزەڭنەن تۇرادى: ءبىرىنشى كەزەكتە كاسىپكەر پاۆيلون اشقىسى كەلەتىن جەر ۋچاسكەسىنىڭ ورنىن سۋرەتكە ءتۇسىرىپ، مەكەنجايىن اكك-نە وتىنىشپەن جىبەرەدى.

ءارى قاراي "استانا" اكك ول ءوتىنىشتى ساۋلەت، قالا قۇرىلىسى جانە جەر قاتىناستارى باسقارماسىنا بەرەدى. ولار ءوز كەزەگىندە ءوتىنىشتى اكىمدىكتەگى بارلىق مۇددەلى مەمورگاندارعا جولدايدى – ولار تج، اۋدان اكىمدىكتەرى مەن باسقا دا قالانىڭ مەمورگاندارى.

ولاردى وڭ شەشىم شىعارىپ، قابىلداعان جاعدايدا اكك ەكىنشى كەزەڭىنە كىرىسەدى – 50-70 ساۋدا كوشەسىنە رۇقسات بەرەتىن ورىندى جيناقتاپ، تاعى دا كونكۋرس جاريالايدى. اكك سايتىنان، قالا سايتىنان جانە ايماقتىق كاسىپكەرلەر پالاتاسىنىڭ سايتىنا سۋرەتى بار جەر ۋچاسكەسى تۋرالى بارلىق اقپاراتتى ەكى اپتا بويى ءىلىپ قويادى، سەبەبى كەز كەلگەن ۇمىتكەر ونىمەن تانىسىپ، ءوزىنىڭ ۇسىنىسىن بەرە الادى.