ءتارتىپ ساقشىلارى زارارسىزداندىرۋ قۇرالدارىمەن ازاماتتاردىڭ ءبىرشاما ساناتىن قامتۋدى جوسپارلاپ وتىر.
بۇل جولى پوليتسەيلەردىڭ پاترۋلدەۋى ەرەكشە تۇردە جۇزەگە اسىرىلدى. تاڭەرتەڭنەن باستاپ ىلە اۋدانىنىڭ ءتارتىپ ساقشىلارى قوسىمشا ۆيرۋسقا قارسى قۇرالدارىن, مەديتسينالىق بەتپەردەلەرىن, رەزەڭكە قولعاپتارىن جانە انتيسەپتيكالىق قۇرالدارىن الىپ, اۋدان ورتالىعى وتەگەن باتىر كوشەلەرىنە شىقتى. ينسپەكتورلار جۇرگىزۋشىلەر مەن جولاي ءوتىپ بارا جاتقان ادامدارعا قوسىمشا بەتپەردەلەر مەن قولعاپتاردى تابىس ەتتى.
– ءبىزدىڭ ماقساتىمىز حالىقتى ۆيرۋستىق ينفەكتسيادان بارىنشا شامامىز كەلگەنشە قورعاۋ بولدى. بۇل جۇمىس بارلىق جەردە جانە مەرزىمدى نەگىزدە جۇرگىزىلەتىن بولادى. بۇگىندە بىزگە ۇلكەن جاۋاپكەرشىلىك جۇكتەلەدى. پوليتسيا قىزمەتكەرلەرى قوعامدىق ءتارتىپتى ساقتاۋدا جانە قىلمىسقا قارسى كۇرەستە باستى ءرول اتقارادى, سونىمەن قاتار كوروناۆيرۋستىق ينفەكتسيانىڭ تارالۋىنا جول بەرمەۋ ىسىندە دە العى شەپتەن ورىن العان. ءبىز ازاماتتاردى بارلىق الدىن الۋ شارالارى مەن كارانتيندىك ءتارتىپتى قاتاڭ ساقتاۋعا شاقىرامىز, – دەپ اتاپ ءوتتى ىلە اۋدانى پوليتسيا ءبولىمىنىڭ باستىعى مارات كۇشتىباەۆ.
