كەلەس اپب-ءنىڭ كەزەكشى بولىمىنە جەرگىلىكتى ەكى تۇرعىن ارىزدانادى. جابىرلەنۋشى ايەلدەردىڭ ايتۋىنشا, ولارعا مەملەكەت تاراپىنان ءبولىنىپ, ەسەپشوتتارىنا تۇسكەن اتاۋلى الەۋمەتتىك جاردەماقىسىنىڭ ءبىر بولىكتەرىن بەلگىسىز بىرەۋ شەشىپ العان. وسىلايشا الاياق, ەكى ايەلدىڭ ارقايسىسىنان 300 000 تەڭگەدەن استام اقشاسىن زاڭسىز يەمدەنگەن.
اتالعان جايتتار قر قك-ءنىڭ 189-بابى بويىنشا تىركەلىپ, سدتتبت-نە ەنگىزىلدى. قىلمىستىق ءىستىڭ ءمان-جايىن انىقتاۋ, اشۋ بارىسىندا كەلەستىك تاجىريبەلى پوليتسەيلەردەن جەدەل-تەرگەۋ توبى قۇرىلىپ, بارلىق قاجەتتى تەكسەرۋ جۇمىستارىن جۇرگىزدى. ناتيجەسىندە پوليتسەيلەر وسى قىلمىسقا قاتىستى كۇدىكتىنىڭ جەكە-باسىن انىقتادى. ول جەرگىلىكتى تۇرعىن, بۇرىنعى پوشتا قىزمەتكەرى بولىپ شىقتى. تەرگەۋ بارىسىندا كۇدىكتى پوشتا بولىمشەسىندە جۇمىس جاسايتىن كەزىندە تۇرعىنداردىڭ اقشاسىن ءوزى قول قويىپ, شەشىپ العانى ايقىندالدى.
سونىمەن قاتار, كۇدىكتىنىڭ وسىعان ۇقساس تاعى ۇش جايتقا قاتىسى بارى انىقتالدى. ءول وز كىناسىن تولىق مويىنداپ وتىر. وسىلايشا كۇدىكتى جابىرلەنۋشىلەردىڭ 1,5 ميلليونعا جۋىق اقشاسىن ەسەپشوتتارىنان زاڭسىز الىپ, ءوز قاجەتتىلىگىنە جاراتىپ جىبەرگەن. باس شاراسى قولحاتپەن بوساتىلدى.
ءوزىنىڭ قىزمەتىن پايدالانا وتىرىپ, جالعان قۇجاتتارمەن, وزگەنىڭ سەنىپ تاپسىرىلعان اقشاسىن يەمدەنگەن كۇدىكتىگە قاتىستى قر قك-ءنىڭ 189-بابى “سەنىپ تاپسىرىلعان بوتەن م ۇلىكتى يەمدەنىپ الۋ نەمەسە تالان-تاراجعا سالۋ” بويىنشا تەرگەۋ امالدارى جۇرگىزىلۋدە.
