ايماقتار • 04 تامىز، 2020

قوستانايلىق پوليتسەيلەر تۇرعىندارعا ماسكا تاراتتى

22 رەت كورسەتىلدى

قوستانايلىق پوليتسەيلەر تۇرعىندارعا ماسكا تاراتتى،  دەپ جازادى Egemen.kz

وبلىس پوليتسەيلەرى مەن "بولشەۆيچكا" تىگىن فابريكاسى وسىدان ءبىراز ۋاقىت بۇرىن قولعا العان ءداستۇرلى شارا بۇگىن تاعى جالعاستى. اكتسيانى ۇيىمداستىرۋشىلاردىڭ ايتۋىنشا، پاندەميا باستالعالى پوليتسەيلەر كوشەدە تۇرعىندارعا مىڭنان استام ماسكا تاراتقان.

- مەن نۇر-سۇلتان قالاسىنان كەلدىم. بىزدە مۇنداي اكتسيالار وتپەيدى، سوندىقتان تاڭعالىپ قالعانىم راس. ازاماتتارعا جاناشىرلىق تانىتقانى ءۇشىن پوليتسياعا راحمەت. بۇل ماسكالاردىڭ وتاندىق تىگىنحانالاردان شىعىپ جاتقانى قۋانىشتى. مەن كوشەدە ماسكا تاعىپ ءجۇرۋ كەرەك دەگەن تالاپتى تولىق قولدايمىن. بۇل ءماجبۇرلى تۇردە بولعانمەن، اسا قاجەتتى شارا دەپ تۇسىنەمىن، - دەيدى گۇلميرا ءبىرجانوۆا.

بۇگىندە كوشەدە ماسكا تاعىپ ءجۇرۋدى قوستانايلىقتاردىڭ كوبى ادەتكە اينالدىرعان. بۇرىنعىداي ماسكا تاپشىلىعى جوق. باعا دا تۇراقتاندى. دەگەنمەن شارانى ۇيىمداستىرۋشىلار كوشەدەگى كىسىگە ساپالى ءارى تەگىن ماسكانى توسىن سىيعا تارتۋ ارقىلى جالپى تۇرعىندار جاۋاپكەرشىلىگىنىڭ ارتۋىنا ىقپال ەتەمىز دەپ بىلەدى.

- مۇنداي اكتسيالاردى ءبىز ءداستۇرلى تۇردە وتكىزىپ تۇرامىز. پاندەميا باستالعالى قاجەتتى شارالاردى ءتۇسىندىرۋ شارالارىنا بەلسەندى اتسالىسىپ كەلەمىز. بۇل باعىتتاعى جۇمىس ءالى دە جالعاسا بەرەدى، - دەدى پاترۋلدىك پوليتسيا باتالونىنىنىڭ ينسپەكتورى قۋانىش ءىزباساروۆ.

 

سوڭعى جاڭالىقتار

ۇقساس جاڭالىقتار