ايماقتار • 04 تامىز، 2020

اتىراۋعا رەسەيدەگى قانداستار گۋمانيتارلىق كومەك جىبەردى

873 رەت كورسەتىلدى

اتاجۇرتتان الىستا جۇرسە دە، رەسەيدىڭ استراحان وبلىسىنداعى قانداستار قايىرىمدىلىق ىسىمەن ءبىر بۇيرەگى ەلگە بۇرىلىپ تۇراتىنىن، بالا كۇنىنەن قازاقى تاربيەنى ساناسىنا ءسىڭىرىپ وسكەنىن بايقاتتى، دەپ جازادى Egemen.kz

بۇگىن اتىراۋعا "جولداستىق" قازاق مادەنيەتى" قوعامى كەڭەسىنىڭ توراعاسى نۇرلان قاندىقوۆ پەن "قازاق مادەنيەتىن دامىتۋ" قورىنىڭ باسقارما توراعاسى ەدۋارد ىسقاقوۆتىڭ باستاماسىمەن جينالعان 1 توننادان استام گۋمانيتارلىق كومەك كەلدى.

اتىراۋداعى بەلسەندى ۆولونتەر نازگۇل ناجىكەنوۆانىڭ ايتۋىنا قاراعاندا، بۇعان دەيىن شەكارانىڭ ارعى شەبىندە تۇراتىن قانداستارىمىز مۇنايلى وڭىردەگى اۋرۋحانامەن بايلانىس جاساپتى. ماقسات – ەڭ قات مەديكامەنتتەر ءتىزىمىن الۋ.

"بۇگىن وبلىستىق كارديولوگيالىق ورتالىققا رەسەيدىڭ استراحان وبلىسىنان جىبەرىلگەن 20 000 مەديتسينالىق بەتپەردە،  500 ليتر دەزينفەكتسيالىق سۇيىقتىق، 1000 ينفۋزيوندىق سيستەما، 1000 مەديتسينالىق داكە، 300 قورعانىش كوستيۋم، ءتۇرلى مەديكامەنتتەردى تاپسىردىق. كورشى ەلدەگى قانداستارىمىزدىڭ باستاماسىنا استراحان وبلىسىنىڭ گۋبەرناتورى يگور بابۋشكين  قولداۋ كورسەتتى. وسىناۋ  يگىلىكتى ىسكە استراحاندا تۇراتىن  چەشەن قوعامداستىعىنىڭ مۇشەلەرى دە اتسالىستى"، دەدى نازگۇل  ناجىكەنوۆا.

سوڭعى جاڭالىقتار

ۇقساس جاڭالىقتار