باعدارلامالار • 04 تامىز، 2020

ەلوردادا تسيفرلاندىرۋ بويىنشا اۋقىمدى جۇمىستار جۇرگىزىلۋدە

23 رەت كورسەتىلدى

نۇر-سۇلتاندى تسيفرلاندىرۋ بويىنشا اۋقىمدى جۇمىستار جۇرگىزىلۋدە – ينجەنەرلىك جەلىلەر، عيماراتتار، جەر ۋچاسكەلەرىنىڭ 40%-دان استامى تسيفرلاندىرىلدى. قالانىڭ 3D مودەلىن قۇرۋ جۇمىستارى جۇرگىزىلۋدە. بۇل تۋرالى ەلوردا اكىمدىگىنىڭ ءباسپاسوز قىزمەتىنە سىلتەمە جاساي وتىرىپ Egemen.kz حابارلايدى.

گەواقپارات ورتالىعىن قۇرۋ ينجەنەرلىك جەلىلەردەگى جۇكتەمەنى كورۋگە، قالا قۇرىلىسى پروتسەستەرىن بولجاۋعا جانە مودەلدەۋگە، بوس جەر ۋچاسكەلەرىندە زاماناۋي بازا قۇرۋعا، ۇتىمدى پايدالانۋعا، ماقساتىنا ساي پايدالانىلماعان ۋچاسكەلەردى الىپ قويۋعا جانە ت.ب. مۇمكىندىك بەرەدى. گەواقپاراتتىق ورتالىق قۇرۋ جۇمىستارى Astana Innovations اق جانە KazAeroSpace جشس-مەن بىرلەسىپ جۇرگىزىلۋدە. ەلوردانى تسيفرلاندىرۋ پروتسەسى مەملەكەت باسشىسىنىڭ باقىلاۋىندا.

"جاسالىپ جاتقان جۇمىس وتە وزەكتى. قاعازداعى دەرەكتەر ارقاشان ناقتى سۋرەتكە سايكەس كەلە بەرمەيدى. ماماندار جول جوندەۋدى، كارىزدەر سالۋدى جانە ت.س.س. باستاعاندا، قاعازدا كورسەتىلمەگەن كابەلدەرگە زاقىم كەلتىرەدى. ناقتى رەجيمدە تسيفرلاندىرۋ قالانى بارلىق ينجەنەرلىك جەلىلەرىمەن قوسا جوعارىدان دا، تومەننەن دە كورۋگە مۇمكىندىك بەرەدى. مىسالى، ينجەنەرلىك جەلىلەردى تسيفرلاندىرۋ جەلىدەگى جۇكتەمەنى كورۋگە مۇمكىندىك بەرەدى. بۇل قۋاتتىلىقتى ۋاقتىلى ارتتىرىپ، جوندەۋ جۇمىستارىن جوسپارلاۋ جانە جاڭا نىسانداردى ينجەنەرلىك جەلىلەرگە قوسۋ پروتسەسىن جەڭىلدەتەدى. تسيفرلاندىرۋ سونىمەن قاتار قالا قۇرىلىسى پروتسەستەرىن مودەلدەۋگە جانە مەكتەپتەر، بالاباقشالار، اۋرۋحانالار، جەكەلەگەن اۋداندارداعى مەكتەپتەرمەن قامتاماسىز ەتۋ قاجەتتىلىگى تۋرالى مالىمەتتەردى بولجاۋعا مۇمكىندىك بەرەدى»، - دەدى ەلوردا اكىمى التاي كولگىنوۆ.

سونىمەن قاتار KazAeroSpace جشس-ءنىڭ باس ديرەكتورى باعلان قازيەۆتىڭ ايتۋىنشا، گەواقپاراتتىق ورتالىقتىڭ قۇرىلۋى يەلەر اراسىنداعى جەر ۋچاسكەلەرىنىڭ شەكارالارىنا قاتىستى داۋلاردى شەشۋگە، ماقساتتى پايدالانىلماي جاتقان جەر ۋچاسكەلەرىن انىقتاۋعا مۇمكىندىك بەرەدى. جاڭا جۇيە تابيعي جانە تەحنوگەندىك جاعدايلاردى، قالانىڭ ينفراقۇرىلىمىن مودەلدەۋگە مۇمكىندىك بەرەدى: بۇلار كارىز جارىلىستارى، اپاتتار، قالانىڭ سۋ باسۋ قاۋپى بار اۋداندارى. وسىعان بايلانىستى مودەلدەۋ ارقىلى ءسىز توتەنشە جاعدايلاردىڭ بارلىق تۇرلەرىنە الدىن الا دايىندالا الاسىز. سونداي-اق ينۆەستيتسيالىق كارتا قول جەتىمدى بولادى – كاسىپكەرلەر نەنى جانە قاي اۋداندا اشۋ كەرەك ەكەنىن كورە الادى.

سوڭعى جاڭالىقتار

ۇقساس جاڭالىقتار