ارگەنتينادا سوڭعى تاۋلىكتە 53 ادام دۇنيە سالىپ, ال پاندەميا باستالعاننان بەرى 5241 ادام ونىڭ قۇربانى بولعان. ازاماتتارىن امان ساقتاۋ جولىندا ارگەنتينا ۇكىمەتى شەكتەۋ شارالارىن تامىزدىڭ 16 دەيىن ۇزارتىپ وتىر. ولاردىڭ ىشىندە كوپ مولشەردە ايىپ تولەۋ قاراستىرىلعانىمەن ۆيرۋس جۇقتىرۋ باسەڭدەر ەمەس.
برازيليا دەنساۋلىق ساقتاۋ مينيسترىلىگىنىڭ مالىمەتىنە قاراعاندا ىندەت تاراعالى ەلدە اۋرۋ جۇقتىرعانداردىڭ سانى 2 707 877 جەتكەن. ونىڭ 1 865 729-ى جازىلىپ شىققانىمەن, سوڭعى ءبىر كۇن ىشىندە 1088 ناۋقاس ومىرمەن قوش ايتىسىپتى.
كولۋمبيا پاندەميا پاتشالىق قۇرعالى ءوزىنىڭ 10 330 ازاماتىنان ايرىلعان. كەشەگى كۇننىڭ وزىندە 225 پاتسيەنت SARS-CoV-2 سالعان قۇرساۋدان شىعا الماعانىن حابارلاعان كولۋمبيا دەنساۋلىق ساقتاۋ مينيسترىلىگى ەلدە 1,6 ملن ادامنىڭ ۆيرۋسقا قارسى تەست تاپسىرعانىن جەتكىزدى.
