ايماقتار • 01 تامىز، 2020

تۇركىستان وبلىسىندا 124 ادام كارانتين تالاپتارىن بۇزعان

16 رەت كورسەتىلدى

ماقتاارالدىق پوليتسەيلەر 1000-عا جۋىق نىساندى تەكسەرىپ، كارانتين تالاپتارىن ساقتاماعانداردى انىقتادى، – دەپ حابارلايدى Polisia.kz.

ماقتاارال  اپب-ءنىڭ پوليتسيا قىزمەتكەرلەرى جانە باسقا دا مۇددەلى ورگان وكىلدەرىنەن تۇراتىن ءموبيلدى توپ كارانتيندىك شارالاردى باقىلاپ، باسقا دا قۇقىقبۇزۋشىلىقتاردىڭ بولدىرماۋ ماقساتىندا الدىن الۋ جانە تەكسەرۋ  جۇمىستارىن جۇرگىزۋدە. ءتارتىپ ساقشىلارى رەيدتىك ءىس-شارالار بارىسىندا 1000-عا جۋىق نىساندى تەكسەرىپ، كارانتيندىك رەجيم تالاپتارىنىڭ بۇزىلۋىن انىقتادى.

ماسەلەن، ماقتاارال  اۋدانى اۋماعىندا پوليتسەيلەر بۇگىنگى كۇنگە دەيىن قر اقبتك-ءنىڭ 425-بابى “حالىقتىڭ سانيتارلىق-ەپيدەميولوگيالىق سالاۋاتتىلىعى سالاسىنداعى زاڭناما تالاپتارىنىڭ، سونداي-اق گيگيەنالىق نورماتيۆتەردىڭ بۇزىلۋى” بويىنشا كارانتين تالاپتارىن ورەسكەل بۇزعان 124 ادامدى انىقتاپ، اكىمشىلىك حاتتاما تولتىردى. وسى جايتتارعا بايلانىستى جيناقتالعان ءىس-قۇجاتتارى ءتيىستى شەشىم قابىلداۋ ءۇشىن قر دەنساۋلىق ساقتاۋ مينيسترلىگىنىڭ تۇركىستان وبلىسى بويىنشا تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتىنە جىبەرىلدى.

ودان بولەك، اۋداندىق پوليتسەيلەر تۇرعىنداردىڭ بەلگىلەنبەگەن ورىنداردا سۋعا تۇسۋىنە تىيىم سالىپ، قاۋىپسىزدىك شارالارىن ەسكەرتۋدە. وسى باعىتتا جۇرگىزىلگەن تەكسەرۋ جۇمىستارى اياسىندا قر اقبتك-ءنىڭ 364-بابى “جالپى سۋ پايدالانۋ ەرەجەلەرىن بۇزۋ” بويىنشا 431 جايت تىركەلىپ، ولارعا اكىمشىلىك حاتتاما تولتىرىلدى.  سوندىقتان وبلىس تۇرعىندارى بارىنشا تۇسىنىستىك تانىتىپ،  تارتىپكە باعىنىپ، كارانتين رەجيمىن بۇزباۋعا شاقىرامىز.

سوڭعى جاڭالىقتار

ۇقساس جاڭالىقتار