قاسيەتتى قۇربان ايت ادامزاتتى بەيبىتشىلىك پەن كەلىسىمگە, ءوزارا تۇسىنىستىك پەن جاناشىرلىققا ۇندەپ, مۇقتاج جاندارعا قول ۇشىن بەرۋ سياقتى ادامي قۇندىلىقتاردى دا ناسيحاتتايدى.
وسى ورايدا, بۇگىن "ازاماتتارعا ارنالعان ۇكىمەت" مەملەكەتتىك كورپوراتسياسى كەاق قىزىلوردا وبلىسى بويىنشا فيليالىنىڭ №3 حالىققا قىزمەت كورسەتۋ ورتالىعى ءبولىمى مۇقتاج جاندارعا مەرەكە قارساڭىندا كومەك كورسەتتى. ءبولىم باسشىسى داستان ءاليجان ۇلى باستاعان توپ, قۇرباندىققا مال شالىپ, ونىڭ ەتى مەن ازىق-ت ۇلىك سەبەتتەرىن الەۋمەتتىك جاعدايى تومەن 4 وتباسىعا سانيتارلىق تالاپتاردى ساقتاي وتىرىپ, ۇيلەستىرىپ بەردى.
"بارشاڭىزدى ۇلىق مەرەكە – قۇربان ايت مەيرامىمەن شىن جۇرەكتەن قۇتتىقتايمىن! قۇربان ايت مەرەكەسىنىڭ ورنى بولەك. بۇل – ەلدىڭ بەرەكە-بىرلىگىن بەكەمدەيتىن, قاناعات پەن قايىرىمدىلىقتى ارتتىراتىن مەيرام. وسى يگى باستامانى جۇزەگە اسىرعان №3 حقكو ءبولىمىنىڭ ماماندارىنا العىسىمدى بىلدىرەمىن. بارشاڭىزعا زور دەنساۋلىق, بەرەكە, باقىت جانە مول تابىس تىلەيمىن! ەلىمىزدىڭ مەرەيى ۇستەم, تاۋەلسىزدىگىمىز تۇعىرلى ءارى تىنىشتىعى ماڭگىلىك بولعاي!", دەدى داستان ءاليجان ۇلى.
بۇگىنگى كورسەتىلگەن قامقورلىق ءۇشىن تۇرعىندار №3 حالىققا قىزمەت كورسەتۋ ورتالىعى ءبولىمىنىڭ ۇجىمىنا زور ىقىلاسىن ءبىلدىرىپ, دەنساۋلىق پەن جۇمىستارىنا تولاعاي تابىس تىلەدى.
