پارلامەنت • 31 شىلدە، 2020

دەپۋتاتتار مەن قمدب وكىلدەرى قايىرىمدىلىق شاراسىن ۇيىمداستىردى

30 رەت كورسەتىلدى

بۇگىن قاسيەتتى قۇربان ايت مەرەكەسىنىڭ العاشقى كۇنى پارلامەنت دەپۋتاتتارى قمدب-مەن بىرلەسە وتىرىپ، بىرقاتار يگى باستامانى قولعا الدى، دەپ حابارلايدى Egemen.kz

سەنات توراعاسى ماۋلەن اشىمباەۆ باستاعان دەپۋتاتتار ەلوردامىزداعى Green TAL Food الەۋمەتتىك ءدامحاناسىنا بارىپ، قايىرىمدىلىق شاراسىن ۇيىمداستىردى.

"بۇل جەردە تاعدىردىڭ ءتۇرلى سىناعىنا تاپ بولعان جاندار جۇمىس ىستەيدى. ءدامحانا قىزمەتكەرلەرىن ايت مەرەكەسىمەن قۇتتىقتاپ، ولارعا قۇرباندىقتىڭ ەتى سالىنعان ازىق-ت ۇلىك قورجىنىن تارتۋ ەتتىك. جالپى سوڭعى جىلدارى ەلىمىزدە الەۋمەتتىك كاسىپكەرلىك جاندانىپ كەلە جاتقانىن بايقاۋعا بولادى. كاسىپتىڭ بۇل ءتۇرى مەملەكەت باسشىسىنىڭ دا باستى نازارىندا. بيىلعى اقپاندا پرەزيدەنتىمىز الەۋمەتتىك كاسىپكەرلەرمەن كەزدەسىپ، مۇنداي يگىلىكتى ءىستىڭ قوعام ءۇشىن ماڭىزى زور ەكەنىن ايتتى. سوندىقتان الداعى ۋاقىتتا وسى باعىتتا تىڭ باستامالار قولعا الىنادى دەپ سەنەمىز"، دەپ اتاپ ءوتتى ماۋلەن اشىمباەۆ.

سونداي-اق سەنات توراعاسى قۇربان ايت قارساڭىندا دەپۋتاتتاردىڭ باستاماسىمەن مەديتسينالىق قىزمەتكەرلەردى قولداۋعا ارنالعان اكتسيا ۇيىمداستىرىلعانىن اتاپ ءوتتى. سەنات اپپاراتى جۇقپالى ىندەتپەن كۇرەستىڭ الدىڭعى شەبىندە جۇرگەن دارىگەردىڭ ۇيىنە بارىپ، سىي-سياپاتتار تابىس ەتتى.

"دەپۋتاتتارىمىز بيىلعى قۇربان ايتتى مۇقتاج جاندارعا، پاندەميا كەزىندە ءوز ىسىنە ادالدىق تانىتقان مەديتسينا قىزمەتكەرلەرىنە كورسەتۋ ارقىلى اتاپ وتۋدە. ءاردايىم وسىلاي ءبىر-بىرىمىزگە جاقسىلىق جاساپ، قولۇشىن سوزساق، كەز كەلگەن سىننان سۇرىنبەي وتەتىنىمىزگە كۇمان جوق. سوندىقتان ىرىس-ىنتىماعىمىزدان اجىرامايىق. بارشاڭىزدى قاسيەتتى مەرەكەمەن قۇتتىقتاي وتىرىپ، نيەتتەرىڭىز قابىل بولسىن دەپ تىلەيمىن!، دەدى ماۋلەن اشىمباەۆ.

سوڭعى جاڭالىقتار

ۇقساس جاڭالىقتار