ۇستالعانداردىڭ بارلىعى اتالعان شارۋا قوجالىعىندا شوپان بولىپ جۇمىس ىستەگەن. ولار اۋەلى 4 ءىرى قارانى, بىرنەشە كۇننەن كەيىن تاعى 6 ءىرى قارانى ۇرلاعان. شىعىن 3,2 ميلليون تەڭگەنى قۇرايدى.
ال, الماتى وبلىسىنىڭ 36 جاستاعى تۇرعىنى ءوزى عانا مويىنقۇم اۋدانى, مويىنقۇم اۋىلىنىڭ ماڭىندا ورنالاسقان "بەكتاي" جايىلىمىنان 9 باس ءىرى قارانى ۇرلاعان. ۇرلانعان مالدىڭ يەسىنە 2,7 ميلليون تەڭگە كولەمىندە زالال كەلتىرىلگەن. دەپارتامەنتتىڭ مالىمەتىنشە, ۇستالعانداردىڭ بارلىعى ءوز كىناسىن تولىق مويىنداپ, مالدار يەلەرىنە قايتارىلعان. تەرگەۋ باسقارماسى قىلمىستىق ىستەردى قازاقستان رەسپۋبليكاسى قىلمىستىق كودەكسىنىڭ 188-1-بابى 2,3-بولىگى, مال ۇرلىعى بويىنشا سوتقا جىبەرگەن. اتالعان قىلمىس ءۇشىن ولاردىڭ مۇلكى تاركىلەنىپ, 3 جىلدان 7 جىلعا دەيىن باس بوستاندىعىنان ايىرۋ جازاسى قاراستىرىلعان.
قازىرگى كەزدە جامبىل وبلىسىنىڭ پوليتسيا دەپارتامەنتى مال يەلەرىنە قىراعىلىق تانىتۋعا, مالدارىن جايىلىمدا قاراۋسىز قالدىرماۋعا جانە بەيمالىم ادامدارعا سەنبەۋگە شاقىرۋدا. اسىرەسە قۇربان ايت مەرەكەسى قارساڭىندا ۇرلىق جاساۋ ىقتيمالدىعى ەداۋىر ارتۋى مۇمكىن ەكەندىگىن, ازاماتتارعا ءوز مالدارىن باقىلاۋدى كۇشەيتۋى قاجەت ەكەندىگىن ەسكەرتەدى.
جامبىل وبلىسى
