مونيتورينگ ازاماتتاردىڭ الەۋمەتتىك جەلىلەردەگى كەزەكتى ونلاين برونداۋ سالدارىنان تۋىنداعان قيىنشىلىقتارعا جانە كەزەك تالوندارىن ساتۋدان اقشا تاپقان دەلدالداردىڭ ءىس-ارەكەتتەرىنە شاعىمدانۋىنا وراي باستالعان.
وسىنداي قيىندىقتار كارانتين جاعدايىندا مەملەكەتتىك قىزمەت كورسەتۋگە تەك قانا egov.kz سايتى جانە Telegram-بوت ارقىلى الدىن الا جازىلۋ جولىمەن قول جەتكىزۋ ناتيجەسىندە تۋىنداعان. مونيتورينگكە قاتىسۋشىلاردىڭ پىكىرىنشە, اتالمىش ماسەلە ونلاين برونداۋ جۇيەسىنىڭ تولىق جەتىلمەگەندىگىنە بايلانىستى. بۇل جاعدايدى جوسىقسىز پايدا كوزدەۋشىلەر پايدالانىپ, بىرنەشە كەزەكتى بىردەن برونداۋ ارقىلى مەملەكەتتىك قىزمەتكە ءزارۋ ازاماتتارعا ساتۋ ۇستىندە.
و.بەكتەنوۆتىڭ ايتۋىنشا, قالىپتاسقان جاعداي «تۇرمىستىق» جەمقورلىق العىشارتتارىنىڭ قالىپتاسۋىنا اكەلىپ سوعىپ, قوعاممەن تەرىس قابىلدانادى. وسىعان وراي جاۋاپتى ورگاندار قىسقا مەرزىمدە ماسەلەنى شەشۋ ءۇشىن ءتيىستى الگوريتم ازىرلەۋى قاجەت.
مونيتورينگ قورىتىندىلارى بويىنشا مامانداندىرىلعان حقكو-دا كەزەكتى برونداۋ ءراسىمىن وڭتايلاندىرۋ ءىس-شارالارى ۇسىنىلدى.
وسىلايشا جاۋاپتى مەملەكەتتىك قۇرىلىمدار باسشىلارىنىڭ سەنىمدى راستاۋى بويىنشا كەلەسى اپتادان باستاپ كەزەكتى برونداۋ كەزىندە ءوتىنىم بەرۋشى ءوز جسن كورسەتۋى ءتيىس. سونداي-اق اۆتوكولىكتى تىركەۋ ءۇشىن مامانداندىرىلعان حقكو-عا جۇگىنگەن كەزدە ولاردى جۇيەدە بەلگىلەنگەن ۋاقىتتا ءبىر قىزمەتتى الۋ ءۇشىن بەكىتۋ ماقساتىندا ساتۋشىنىڭ نەمەسە كولىك يەسىنىڭ (ەگەر كولىك سەنىمحات بويىنشا ساتىلسا) جانە ساتىپ الۋشىنىڭ جسن كورسەتۋ قاجەت بولادى.
وسىلايشا, دەلدالدار كەزەك الۋ جانە كەيىننەن ولاردى ساتۋ مۇمكىندىگىنەن ايرىلادى. جاۋاپتى مەملەكەتتىك ورگاندارعا ازاماتتاردىڭ قىزمەتتى دەلدالدار كومەگىنە جۇگىنبەي جانە ولاردىڭ زاڭسىز كومەكتەرىنە اقشا تولەمەي ونلاين نىساندا الۋ مۇمكىندىگى تۋرالى ءتۇسىندىرۋ جۇمىستارىن جانداندىرۋ قاجەتتىلىگى ەسكەرتىلگەن.
