تۇركىستاندىق كاسىپكەرلەر اۋرۋحانالارعا قاجەتتى قۇرىلعىلاردى تارتۋ ەتتى

ايماقتار • 30 شىلدە، 2020

تۇركىستاندىق كاسىپكەرلەر اۋرۋحانالارعا قاجەتتى قۇرىلعىلاردى تارتۋ ەتتى

19 رەت كورسەتىلدى

كوروناۆيرۋس ىندەتىمەن حالقىمىز جۇمىلا كۇرەسىپ، قايىرىمدى جاندار قولدان كەلگەن كومەكتەرىن اياماۋدا. مىسالى، تۇركىستان وبلىسى بايدىبەك اۋدانىنداعى شايان كوپسالالى ليتسەي جالپى ورتا مەكتەبىنىڭ 1999 جىلى بىتىرگەن تۇلەكتەرى "شۇعىلا" قورى ارقىلى ورتالىق اۋرۋحاناعا 13 وتتەگى كونتسەنتراتورىن سىيعا تارتۋ ەتتى. جاساندى تىنىس الۋ اپپاراتتارىن اۋدان اكىمىنىڭ ورىنباسارى باعداتبەك جانعازيەۆ قابىلداپ الىپ، ورتالىق اۋرۋحانا باس دارىگەرىنىڭ ۋاقىتشا مىندەتىن اتقارۋشى باتىر ايتۋاروۆقا تابىس ەتتى، - دەپ جازادى Egemen.kz

عالىمجان ەلشىباي

ال شاردارا اۋدانىندا جەرگىلىكتى كاسىپكەرلەردىڭ دەمەۋشىلىگىمەن اۋداندىق ورتالىق اۋرۋحانا 17 وتتەگى كونتسەنتراتورىمەن تولىقتى. قازىرگى كەزدە اۋرۋحانادا 20 وتتەگى اپپاراتى ناۋقاستاردىڭ دەنساۋلىعىن جاقسارتۋ ءۇشىن جۇمىس ىستەۋدە.

سونداي-اق تولەبي اۋداندىق اۋرۋحاناسىنا "Bi Group" قۇرىلىس كومپانياسى 3 دانا وتتەگى كونتسەنتراتورىن تابىس ەتتى. ال "بىرلىك 2020" قايىرىمدىلىق قورى لەنگىر قالالىق اۋراحاناسىنا 2 دانا، "ايدىڭ نۇرى" كومپانياسى 1 وتتەگى كونتسەنتراتور قۇرىلعىسىن اپەردى. وسىنداي يگى iستەردەن اۋدان ازاماتتارى دا شەت قالعان جوق. اۋداندىق ءماسليحات دەپۋتاتى ءالي امىراليەۆ قالالىق اۋرۋحاناعا 5 دانا وتتەگى كونتسەنتراتورىن تارتۋ ەتتى. جانە دە "شۇعىلا" قايىرىمدىلىق قورى تاراپىنان اۋداندىق اۋرۋحاناعا 5 دانا وتتەگى كونتسەنتراتورى جەتكiزiلدi. ماماندار بۇل قۇرىلعىلاردى ناۋقاستارعا وكپەنى جاساندى جەلدەتۋ اپپاراتتارىنا قوسىمشا كومەك رەتىندە قولدانۋدا. ىندەتپەن كۇرەسىپ جاتقان مەديتسينا قىزمەتكەرلەرىن قولداپ، كومەك كورسەتكەن جاندارعا اۋرۋحانالاردىڭ ۇجىمى العىستارىن ءبىلدىردى.

تۇركىستان وبلىسى

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز