ايگىلى ساۋلەتشىلەر – استانادا

ەلورداداعى تاۋەلسىزدىك ساراي­ىن­دا الەمنىڭ اتاقتى ساۋلەتشى­لەرى­نىڭ ەلىمىزدىڭ بىرقاتار جەتەكشى بۇ­قا­رالىق اقپارات قۇرالدارىنىڭ جە­تەكشىلەرىمەن كەزدەسۋى بولىپ ءوتتى. وعان يتاليالىق بەلگىلى ساۋلەتشى, حانزادا ۋەلس اتىنداعى ساۋلەت مەكتەبىنىڭ پروفەسسورى گابريلە تالياۆەنتي, كسرو جانە رەسەي مەملەكەتىك سىيلىقتارىنىڭ لاۋ­رەا­تى يۋري پلاتونوۆ جانە ما­لاي­زيا وكىلى حيدجاس بين كاستۋرن قاتى­سىپ, پىكىر ءبولىستى. – قازاقستان ساۋلەتشىلەرى استا­نا­عا ەۋرازيالىق قالا بەينەسىن بەرە الدى. دەگەنمەن, جاھاندانۋ زاما­نىن­دا ەۋرازياشىلدىققا سالىنىپ, استانانىڭ ۇلتتىق بەينەسىن جوعال­تىپ الماۋ ماسەلەسىن دە نازاردا ۇس­تاۋ ابزال, – دەدى باسقوسۋدا يتا­ليالىق ساۋلەتشى گ.تالياۆەنتي. استاناعا ساپارمەن كەلگەن جو­عارىداعى ساۋلەت ونەرىنىڭ ماي­تال­ماندارى قازاقستان پرەزيدەنتى جانىنداعى استانانىڭ ساۋلەتشىلەر كەڭەسىنىڭ جۇمىسىنا قاتىسقان-دى. ولار ەلوردادا سالىنۋى ءتيىس ءبىر­قا­تار نىسانداردىڭ ساۋلەتتىك جوبا­لارىمەن تانىستى. جالپى كەڭەس قاراۋىنا 83 جوبا مەن سىزبالار كەلىپ ءتۇستى. ولاردىڭ اراسىنان ەڭ ۇزدىك دەگەن ەڭبەكتەر تاڭدالىپ الىندى. ءابدىراحمان قىدىربەك.