2020 جىلدىڭ 25 شىلدەسىندە مەملەكەتتىك كوميسسيا عارىشتىق ماقساتتاعى زىمىراننىڭ, مامانداردىڭ, جەرۇستى عارىش ينفراقۇرىلىمى وبەكتىلەرىنىڭ ۇشىرۋعا دايىندىعىن قاراپ, عارىش ايلاعىنىڭ №200 ستارت كەشەنىنە عارىشتىق ماقساتتاعى زىمىراندى شىعارۋ تۋرالى شەشىم قابىلدادى, دەپ حابارلايدى روسكوسموستىڭ ءباسپاسوز قىزمەتى.
بۇگىن تاڭەرتەڭنەن زىمىراندى تەحنولوگيالىق جانارماي قۇيۋ الاڭىنان ستارتتىق كەشەنگە تاسىمالداۋ جانە ونى ورناتۋ جۇمىستارى باستالدى.
"بريز-م" ۇدەتكىش بلوگى مەن رەسەيلىك تەلەكوممۋنيكاتسيالىق عارىش اپپاراتتارى بار "پروتون-م" زىمىران-تاسىعىشىن ۇشىرۋ 2020 جىلدىڭ 30 شىلدەسىنە, نۇر-سۇلتان ۋاقىتىمەن 03:27:42-گە جوسپارلانعان.
"ەكسپرەسس-80" جانە "ەكسپرەسس-103" — "ەكسپرەسس-1000ن" سپۋتنيكتىك پلاتفورما بازاسىندا اكادەميك م.ف. رەشەتنەۆ اتىنداعى "اقپاراتتىق سپۋتنيكتىك جۇيەلەر" كومپانياسىندا دايىندالعان ورتا ساناتتاعى رەسەيلىك تەلەكوممۋنيكاتسيالىق عارىش اپپاراتتارى.
سپۋتنيكتەر بەلگىلەنگەن جانە جىلجىمالى بايلانىس قىزمەتتەرىن, تسيفرلىق تەلەراديو حابار تاراتۋدى, "ينتەرنەت" اقپاراتتىق-تەلەكوممۋنيكاتسيا جەلىسىنە جوعارى جىلدامدىقتى, سونداي-اق رەسەي اۋماعىندا جانە تمد ەلدەرىندە C-, Ku- جانە L- دياپازونداردا مالىمەت بەرۋدى قامتاماسىز ەتۋگە ارنالعان.
