قازىر ءدارى-دارمەكپەن قامتۋ جولعا قويىلعان. اتاپ ايتقاندا, "سك-فارماتسيا" اپتا سايىن 338 ءتۇرلى پرەپاراتتار جەتكىزىلەدى. مۇنىڭ سىرتىندا وبلىستىڭ ءدارىحانالارىنا سوڭعى ەكى اپتادا 80 توننا ءدارى-دارمەك اكەلىنگەن.
نەگىزگى مەديكامەنتتەر بويىنشا وبلىستىڭ بارلىق مەديتسينالىق مەكەمەلەرىندە ءبىر ايلىق قور بار. الايدا, قاجەتتى سەگىز ءدارى بويىنشا قور ءبىر اپتاعا عانا جەتەدى. «سك-فارماتسيا» جشس باسقارما توراعاسى ە.يسكاليەۆ اتالعان ماسەلەنى ءۇش كۇننىڭ ىشىندە شەشۋگە دايىن ەكەنىن جەتكىزدى.
ەرالى توعجانوۆ "سك-فارماتسيا" كومپانياسىنا وبلىس اكىمدىگىمەن بىرلەسە وتىرىپ, ءۇش ايلىق مەديكامەنتتەر قورىن قالىپتاستىرۋ ءۇشىن ءوتىنىم بەرۋ جۇمىستارىن جۇرگىزۋدى تاپسىردى. وبلىستاعى ەپيدەميولوگيالىق احۋالدى ودان ارى تۇراقتاندىرۋ ماقساتىندا شۇعىل شەشىمدەر قابىلداۋ ءۇشىن جيىن وتكىزىلدى. جيىن سوڭىندا مەديتسينالىق مەكەمەلەردى وكپەنى جاساندى جەلدەتۋ اپپاراتتارىمەن جانە وتتەگى كونتسەنتراتتارىمەن تولىق جابدىقتاۋ ءۇشىن ناقتى شەشىم ازىرلەنىپ, پروتوكولدىق تاپسىرمالار قابىلداندى.
سونداي-اق, پرەمەر-ءمينيستردىڭ ورىنباسارى ەرالى توعجانوۆ وڭىرگە ساپارى اياسىندا ينفەكتسيالىق ستانتسيونار رەتىندە جۇمىس ىستەپ جاتقان اتىراۋ وبلىستىق №2 اۋرۋحاناسىنا دا باردى. وندا بارلىعى 1557 ادام كوروناۆيرۋس ينفەكتسياسىمەن ءتۇسىپ, ولاردىڭ 1386-ءسى جازىلىپ شىققان.
وبلىستا قازىرگى كەزدە ينفەكتسيالىق ورىندار 60 پايىزعا ارتقان. ال شىلدە ايىنىڭ باسىنان بەرى اتالعان ورىندار 83 پايىزدان 61,7 پايىزعا دەيىن بوساعان. قوسىمشا ساپالى مەديتسينالىق كومەك كورسەتەتىن تاۋلىك بويى جۇمىس ىستەيتىن كول-ورتالىق ۇيىمداستىرۋ ارقىلى جادەل جاردەمگە تۇسەتىن قوڭىراۋلار 1300-دەن 700-گە دەيىن ازايعان. كۇن سايىن رەيد وتكىزەتىن 114 مونيتورينگتىك توپ 563 بۇزۋشىلىقتى انىقتاپ, 10 ميلليون تەڭگەدەن استام سومانىڭ ايىپپ ۇلى سالىنعان.
