ۆيدەودان الىنعان كادر
ءورت سوندىرۋشىلەر وقيعا ورنىنا جەتكەن كەزدە عيمارات جالىنعا ورانىپ ۇلگەرگەن. جالىن شارپىعان اۋماقتىڭ جالپى كولەمى شامامەن 200 شارشى مەتردى قۇرادى.
قۇتقارۋشىلار ءورتتىڭ ودان ءارى قاۋىپتى جاعدايعا ۇلاسۋىنا جول بەرمەي, جالىن ىشىنەن كولەمى 40 ليتر بولاتىن ەكى وتتەگى باللونىن دەر كەزىندە سىرتقا الىپ شىققان. بۇل ولاردىڭ جارىلۋىنىڭ الدىن الۋعا مۇمكىندىك بەردى.
شاحتينسكىدەگى جارىلىس: پاتەردى قاساقانا ورتەدى دەگەن كۇدىككە ىلىنگەن ەر ادام ۇستالدى
ءورت ءسوندىرۋ جۇمىستارى جەدەل جۇرگىزىلىپ, ءتىلسىز جاۋ تولىقتاي اۋىزدىقتالدى. ابىروي بولعاندا, وقيعا سالدارىنان زارداپ شەككەندەر تىركەلگەن جوق.
ماماندار مۇنداي جاعدايلاردا ءورت قاۋىپسىزدىگى ەرەجەلەرىن ساقتاۋ اسا ماڭىزدى ەكەنىن ەسكەرتەدى. قازىرگى ۋاقىتتا ءورتتىڭ شىعۋ سەبەپتەرى انىقتالىپ جاتىر.
