فوتو: AFP
كولۋمبيا قورعانىس مينيسترلىگىنىڭ حابارلاۋىنشا, ۇشاق اەرودرومنان شامامەن 1,5 شاقىرىم قاشىقتىقتا قۇلاعان. ول ەلدىڭ وڭتۇستىگىندەگى پۋەرتو-لەگيسامو قالاسىنان پۋەرتو-اسيس باعىتىنا ۇشىپ شىققان.
Caracol Radio-نىڭ الەۋمەتتىك جەلىدە جاريالاعان حابارلاماسىندا پۋەرتو-لەگيسامو (پۋتۋمايو پروۆينتسياسى) ماڭىندا بولعان اپات سالدارىنان 66 ادامنىڭ قازا تاپقانى راستالعان. قازا بولعانداردىڭ ىشىندە 58 اسكەري قىزمەتكەر, كولۋمبيا اۋە كۇشتەرىنىڭ 6 وكىلى جانە ۇلتتىق پوليتسيانىڭ 2 قىزمەتكەرى بار.
اپاتتىڭ ناقتى سەبەبى ءالى انىقتالىپ جاتىر. الدىن الا مالىمەت بويىنشا, شابۋىل بەلگىلەرى تابىلماعان. ۇشاق ىشىندە ءورت شىعىپ, سونىڭ سالدارىنان كەيبىر وق-دارىلەر جارىلعانى حابارلاندى.
نيۋ-يورك اۋەجايىندا ۇشاق ءورت ءسوندىرۋ كولىگىمەن سوقتىعىستى: زارداپ شەككەندەر بار
