قوعام • 24 شىلدە، 2020

قاشىقتاعى قىزمەتكەردىڭ قۇقىعى قورعالعان با؟

32 رەت كورسەتىلدى

كوروناۆيرۋستىق پاندەميانىڭ سالدارىنان ءىرى ءوندىرىس ورىندارىندا مەديتسينالىق جانە سانيتارلىق ساقتىق شارالارى كۇشەيتىلىپ، كەڭسەدەگى قىزمەتكەرلەر قاشىقتان جۇمىس ىستەۋ تارتىبىنە كوشكەنى ءمالىم. جاسىراتىنى جوق، ونلاين رەجىمگە اۋىسقانداردىڭ كوبى بايلانىس قۇرالىنىڭ شىعىنىن ءوز قالتاسىنان وتەۋدە. الايدا بۇل ەڭبەك قاتىناستارىنا قايشى. قازاقستان كاسىپوداقتار فەدەراتسياسى توراعاسىنىڭ ءبىرىنشى ورىنباسارى مۇحتار تىنىكەەۆتىڭ ايتۋىنشا، جوعارىداعى ەڭبەك شىعىندارىن جۇمىس بەرۋشى وتەۋگە مىندەتتى.

 

جۇمىس بەرۋشى عالامتورمەن قامتۋعا مىندەتتى

مۇنداي تالاپ ەلىمىزدەگى ەڭبەك كودەكسىندە كورسەتىلگەن. سول سەبەپتى جۇمىس بەرۋشىلەر كارانتين ۋاقىتىندا قىزمەتكەرلەردى قاجەتتى قۇرال-جابدىقپەن قامتاماسىز ەتۋگە ءتيىس.

«ەڭبەك كودەكسىنە وزگەرىس ەنگى­زىل­گەنى بارشاعا بەلگىلى. سوعان سۇيەن­سەك، 138-ءشى باپ ءدال سولاي «قاشىق­تان جۇمىس» دەپ اتالادى. ونىڭ 2-ءشى تارماعىندا جۇمىس بەرۋشى قاشىقتان جۇمىس ىستەپ جاتقان قىز­مەتكەردى قاجەتتى باي­لانىس قۇرالى­مەن قامتۋعا مىندەتتى دەپ جازىل­عان. ەگەر اتال­عان جۇمىسشى جەكە بايلانىس قۇ­رال­دارىن پاي­دالانسا، وندا جۇمىس بەرۋشى قوسالقى بولشەك­تەرمەن قامتىپ، سون­داي-اق ينتەرنەت پەن ەلەكتر قۋاتى­­نىڭ اقىسىن تولەۋگە ءتيىس. مۇ­نىڭ ءبا­رى تاراپتاردىڭ كەلىسىمىمەن جۇزەگە اسىرىلادى»، دەدى م.تىنى­كەەۆ.

پاندەميانى جەلەۋ ەتىپ، ادام­داردى جۇمىستان زاڭسىز شىعار­عان كاسىپورىندار دا جوق ەمەس. كا­سىپوداقتار فەدەراتسياسى تورا­عا­سىنىڭ ورىنباسارى قايرات جا­ڭا­بەكوۆ ماڭعىستاۋ ءوڭىرىن مىسالعا كەلتىرىپ، قاۋىم­داس­تىقتىڭ ارا­لاسۋىمەن 25 ادام جۇمىستارىنا ورالعانىن جەتكىزدى.

«ەڭبەك كودەكسى اياسىندا جانە الەۋ­مەتتىك ارىپتەستىكتى نىعايتۋ ار­قىلى ماڭعىستاۋ ايماعىندا «كەز­بي» جشس-نىڭ 25 قىز­مەتكەرى جۇمىس ورىندارىنا قايتا الىنىپ، قىزمەتىن جالعاستىرىپ جاتىر. ياعني تاراپتاردىڭ مامى­لەگە كەلۋى ناتيجەسىندە ماسەلە سوتقا جەتپەي شەشىمىن تاپتى»، دەدى ق.جاڭابەكوۆ.

ونىڭ ايتۋىنشا، ءوندى­رىس ورىندارىندا ەڭبەك قاۋىپ­سىز­دىگىنىڭ ساقتالۋىن قاداعالاۋ – كاسىپوداقتىڭ باستى مىندەتتەرىنىڭ ءبىرى. قازىر وسى ماسەلە بويىنشا قوعامدىق باقىلاۋ كۇشەيىپ كەلەدى. ءىرى كاسىپورىنداردا ءوندى­رىس توقتاپ قالسا، ۇجىمدىق شارت نەگىزىندە قىزمەتكەرلەردىڭ جالاقىسىنىڭ 70%-ى ساقتالادى. قىزمەت كورسەتۋ ورىندارىن­دا ەڭ تومەنگى جالاقى، ياعني 42 500 تەڭگە كولەمىندە جاردەم­اقى بەرىلىپ جاتىر. سونىمەن قوسا «وزەنمۇنايگاز»، «وزەن­مۇناي­سەرۆيس» جانە «قارا­جام­­باسمۇناي» سىندى كومپانيا­لاردىڭ كاسىپوداقتارى وكپەنى جا­ساندى جەلدەتۋ اپپاراتتارى مەن باسقا دا قاجەتتى قۇرال-جاب­دىق­تارىمەن قامتىپ، وڭىرلەرگە قولداۋ كورسەتۋدە.

 

تاۋ-كەن مەتاللۋرگيادا كارانتين كۇشەيدى

كارانتينگە بايلانىستى قاۋىپسىزدىك شارالارى تاۋ-كەن مەتاللۋرگيا سالاسىندا دا كۇشەيگەنىن ايتتى كاسىپوداق وكىلدەرى. ماسەلەن، 116 مىڭنان استام قىزمەتكەردى قامتيتىن سالالىق «قازاق كا­سىپوداق مەتالل» كاسىپوداعىنىڭ با­زاسىندا جەدەل شتاب قۇرىلعان. وعان ءوندىرىس وشاقتارىندا جۇرگىزىلگەن موني­تورينگتىڭ قورىتىندىلارى ءتۇسىپ وتىرادى.

 «بارلىق كاسىپورىندا جەكە جانە وندىرىستىك تازالىقتى ساقتاۋ جونىندە ءتۇسىندىرۋ جۇمىستارى جۇيەلى تۇردە وتكى­زىلىپ، جادىناما ازىرلەندى، ونداعى تا­لاپ­تاردىڭ ساقتالۋى باقىلانادى. مەدي­تسي­نالىق پۋنكتتەر كۇشەيتىلگەن جۇمىس رەجىمىنە اۋىستىرىلىپ، دەنە قى­زۋى ولشە­نە­دى. اۋرۋ بەلگىلەرى تابىلعان جاع­دايدا جۇمىسشىلار وندىرىسكە جىبە­رىل­مەيدى»، دەدى «تاۋ-كەن مەتاللۋر­گيا سالا­لىق كا­سىپ­تىك وداعى» جانە «قازاق كاسى­پوداق مەتالل» قوعامدىق بىر­لەستىگى تورا­عا­سىنىڭ ورىنباسارى باۋىرجان مۋسين.

وسى سالاداعى ايقىن مىسال رەتىندە شىعىس قازاقستانداعى «قازمىرىش» كوم­پانياسىن قاراستىرۋعا بولادى، دەيدى كاسىپوداقتار فەدەراتسياسى تورا­عا­سىنىڭ ءبىرىنشى ورىنباسارى. م.تىنىكەەۆتىڭ سوزىنە سۇيەنسەك، وتاندىق تاۋ-كەن مەتاللۋرگيانىڭ الىبى ساني­تارلىق وڭدەۋدى كۇشەيتىپ، ءوندىرىس قۇرا­مىن جەكە قورعانىس قۇرالدارىمەن قام­تاماسىز ەتۋگە ءجىتى كوڭىل بولگەن. سول سەكىلدى قىزمەتتىك ساپارلار، كۇندىزگى كەڭەستەر مەن باسقا دا بۇقارالىق ءىس-شارالار توقتاتىلىپ، كەڭسەدەگى قىز­مەتكەرلەر قاشىقتان جۇمىس ىستەۋ رەجىمىنە كوشىرىلدى.

«قىزمەتكەرلەردى اۆتوبۋسپەن تاسىمالداۋ ۇيىمداستىرىلدى، تاماق جە­كەلەي بەرىلەدى. جۇمىسشىلارعا جانە ولاردىڭ وتباسىلارىنا 100 مىڭ مە­ديتسينالىق بەتپەردە، تاۋلىك بويى جۇ­مىس ىستەيتىندەرگە 120 انتيباكتە­ريال شام، سونداي-اق كاسىپورىن اۋماعىندا 560 سانيتايزەر ورناتىلدى. ەگەر كاسىپورىننىڭ الەۋمەتتىك جاۋاپكەرشىلىگى مىقتى بولىپ، جۇمىس­شىلارعا لايىقتى كوڭىل بولىنسە، وندا اۋىرعانداردىڭ سانى از بولاتىنى كۇمانسىز»، دەدى م.تىنىكەەۆ.

 

قوسىمشا اقى تولەنۋى كەرەك

كوروناۆيرۋستىق ينفەكتسيانى الدىن الۋعا جۇمىلدىرىلعان دارىگەرلەرگە، مەدبيكەلەرگە، جەدەل جاردەم جۇگىزۋشى­لەرىنە، سونداي-اق مەديتسينالىق مەكە­مەلەردىڭ كۇزەتشىلەرىنە دەيىن قوسىمشا اقى تولەۋ قاجەت. وسىنداي پىكىر بىل­دىر­گەن QAZMED مەديتسينا جانە ونىمەن ساباقتاس سالالار قىزمەتكەرلەرى كا­سىپو­دا­عىنىڭ توراعاسى الياقبار ما­تى­شەۆ قازىرگى تاڭدا ونسىز دا تاپشى مامانداردى قولداۋعا شاقىردى.

«COVID-19 تىركەلگەن جاعدايدا ءتيىستى كەپىلدىكتەردى يەلەنۋ ءۇشىن ونى كاسى­بي اۋرۋ رەتىندە انىقتاۋ كە­رەك دەپ سانايمىز. پاندەميا كەزىن­دە الەۋ­مەت­تىك قولداۋدىڭ بارلىق تۇر­لە­رى­مەن قا­متۋ ماقساتىندا «ازامات­تىق قور­عانىس تۋرالى» زاڭى بويىشا مەديتسينا قىزمەتكەرلەرىنە «قۇتقارۋشى» مار­تە­بە­سىن بەرۋ تۋرالى ۇسىنىس ءتۇستى»، دەدى ءا.ماتىشەۆ.

بۇدان باسقا سالالىق كاسىپوداق وكىلى ىندەتپەن كۇرەستە الدىڭعى قاتاردا جۇر­گەن مامانداردى قولداۋدىڭ امالى رەتىن­دە نەسيە پايىزدارىن ەسەپتەن شى­عارۋ، ونى وتەۋدىڭ مەرزىمىن كەيىنگى شەگەرۋ تۋرا­لى ماسەلە كوتەردى.

 

سوڭعى جاڭالىقتار

ەلگە كەرەك ەكى كىتاپ

رۋحانيات • بۇگىن، 08:52

«عارىشقا اپارار جول»

رۋحانيات • بۇگىن، 08:50

العاشقى عارىش ايلاعى

وقيعا • بۇگىن، 08:48

تاريحي جەرلەردىڭ تاعىلىمى بولەك

رۋحانيات • بۇگىن، 08:30

شيرەك فينالدا ءسۇرىندى

تەننيس • بۇگىن، 08:11

ەل-كلاسيكودا جەڭىسكە جەتتى

فۋتبول • بۇگىن، 08:06

رۋحى بيىك ەل ەشقاشان جەڭىلمەيدى

رۋحانيات • بۇگىن، 08:05

يزرايلدەن باسىم ءتۇستى

سپورت • بۇگىن، 08:04

عىلىمنىڭ جاڭا بەلەسى

عىلىم • بۇگىن، 08:01

ۇلتتىق ۇردىستەر ۇزىلمەيدى

قازاقستان • كەشە

ۇقساس جاڭالىقتار