ايماقتار • 23 شىلدە، 2020

تابيعات زاڭناماسىن بۇزعان 552 تۇرعىن اكىمشىلىك جاۋاپكەرشىلىككە تارتىلدى

29 رەت كورسەتىلدى

پاۆلودار پوليتسەيلەرى 560 تابيعات قورعاۋ زاڭناماسىن بۇزۋ فاكتىلەرىن انىقتادى. بۇل تۋرالى ءىىم ءباسپاسوز قىزمەتىنە سىلتەمە جاساي وتىرىپ Egemen.kz حابارلايدى.

ەكولوگيالىق سيپاتتاعى پروبلەمالار جوعارى نازار اۋدارۋدى تالاپ ەتەدى، ونىڭ ىشىندە قۇقىق قورعاۋ ورگاندارى تاراپىنان دا. سوندىقتان، ەكولوگيالىق سالاداعى قۇقىق بۇزۋشىلىقتار مەن قىلمىستاردىڭ الدىن الۋ ماقساتىندا پاۆلودار وبلىسىنىڭ تابيعاتتى قورعاۋ پوليتسەيلەرى پروفيلاكتيكالىق جۇمىستى ۇدايى جۇرگىزۋدە.

ەكولوگيالىق قۇقىق بۇزۋشىلىقتاردىڭ الدىن الۋ بويىنشا پوليتسيانىڭ نەگىزگى مىندەتتەرىنىڭ ءبىرى ەكولوگيالىق قۇقىق بۇزۋشىلىقتاردى انىقتاۋ، جولىن كەسۋ جانە الدىن الۋ عانا ەمەس، سونداي-اق ولاردىڭ جاسالۋىنا كىنالى ادامداردى انىقتاۋ بولىپ تابىلادى.

پاۆلودار پوليتسەيلەرى بيىل العاشقى التى ايدا 865 رەيدتىك ءىس-شارا وتكىزىپ، ناتيجەسىندە 560 تابيعات قورعاۋ زاڭناماسىن بۇزۋ فاكتىلەرىن انىقتادى.

وبلىستىڭ 552 تۇرعىنى اكىمشىلىك جاۋاپكەرشىلىككە تارتىلدى، ونىڭ ىشىندە – بالىق اۋلاۋ ەرەجەسىن بۇزعان 278 ادام، اڭ اۋلاۋ ەرەجەسىن بۇزعاندار – 266. شارباقتى اۋداندىق پوليتسيا ءبولىمىنىڭ قىزمەتكەرلەرى قۋراعان اعاشتى زاڭسىز كەسكەنى ءۇشىن گالكينو اۋىلىنىڭ 36 جاستاعى تۇرعىنىن انىقتاپ، ۇستادى. ۇستالعان ازاماتقا قاتىستى اكىمشىلىك ءىس قوزعالىپ، ماتەريال سوتقا جىبەرىلدى.

شارباقتى اۋداندىق سوتىنىڭ شەشىمىمەن اۋىل تۇرعىنى قر اقبتك-ءنىڭ 381بابى بويىنشا اكىمشىلىك قۇقىق بۇزۋشىلىقتى جاساعانى ءۇشىن كىنالى دەپ تانىلدى. قۇقىق بۇزۋشىعا 30 اەك مولشەرىندە اكىمشىلىك ايىپپۇل تۇرىندە جازا تاعايىندالدى.

پوليتسيا قىزمەتكەرلەرى وبلىس تۇرعىندارىن تابيعاتتى قورعاۋعا، زاڭنامانىڭ بەلگىلەنگەن تالاپتارىن بۇزعانى ءۇشىن اكىمشىلىك قانا ەمەس، قىلمىستىق جاۋاپكەرشىلىك دە قاراستىرىلاتىنىن ەستە ساقتاۋعا شاقىرادى.

سوڭعى جاڭالىقتار

ءالتىنساريننىڭ ادامي بولمىسى

رۋحانيات • بۇگىن، 00:01

ۋاقىت جاراتقان ۇلى جىر

ادەبيەت • كەشە

ۇقساس جاڭالىقتار