تۇركىستاندا جولدارعا جۇرگىزىلگەن ساراپتاما ناتيجەسىندە 61 بۇزۋشىلىق دەرەكتەرى انىقتالدى

ايماقتار • 22 شىلدە، 2020

تۇركىستاندا جولدارعا جۇرگىزىلگەن ساراپتاما ناتيجەسىندە 61 بۇزۋشىلىق دەرەكتەرى انىقتالدى

37 رەت كورسەتىلدى

سىبايلاس جەمقورلىققا قارسى ءىس-قيمىل اگەنتتىگىنىڭ جانىنان قۇرىلعان "ساپالى جول - ادالدىق الاڭى" جوباسى اياسىندا رەسپۋبليكالىق، وبلىستىق، اۋداندىق جانە جەرگىلىكتى جولداردىڭ ساپاسىنا تۇراقتى نەگىزدە باقىلاۋ جۇمىستارى جۇرگىزىلىپ كەلەدى، - دەپ جازادى Egemen.kz

عالىمجان ەلشىباي

بۇل ءۇردىس اگەنتتىكتىڭ تۇركىستان وبلىسى بويىنشا دەپارتامەنتىنىڭ باستاماسىمەن كيەلى وڭىردە دە ءوز جالعاسىن تاۋىپ، "ۇلتتىق جول اكتيۆتەرى ساپاسى ورتالىعى" رمك فيليالىنىڭ قىزمەتكەرلەرى مەن "تۇركىستان - ادالدىق الاڭى" جوبالىق كەڭسەسىنىڭ جانە ارنايى مونيتورينگتىك توپ مۇشەلەرىنىڭ قاتىسۋىمەن وبلىسقا قاراستى اۆتوموبيل جولدارىنىڭ ساپاسى ءجىتى قادالاعانىپ كەلەدى.

"اعىمداعى جىلى مونيتورينگتىك توپ مۇشەلەرى تۇركىستان، كەنتاۋ، ارىس قالالارى مەن بايدىبەك، سوزاق، سارىاعاش اۋداندارىندا ارنايى بولىپ، تۇرعىنداردىڭ ارىز-شاعىمدارى نەگىزىندە جاڭادان توسەلگەن اۆتوكولىك جولدارعا ساراپتاما جۇرگىزدى. ناتيجەسىندە 61 بۇزۋشىلىق دەرەكتەرى، اتاپ ايتساق اسفالت -بەتون جامىلعىسىنداعى قالىڭدىقتىڭ سايكەس كەلمەۋى، جول توسەلىمىندە شوگىندىلەر مەن تەگىسسىزدىكتەر، سىنۋلار مەن ىعىسۋلاردىڭ ورىن الۋى، جول جيەكتەرىنىڭ بۇزىلعاندىعى مەن شوپتەردىڭ شيىرشىقتالا ءوسىپ شىققاندىعى، سونداي-اق الىنعان 67 سىنامانىڭ 47-ءسى بەكىتىلگەن تالاپقا سايكەس كەلمەيتىندىگى انىقتالىپ، اقاۋلاردى جويۋ بويىنشا جەرگىلىكتى اتقارۋشى ورگاندارعا تاپسىرىس بەرۋشىمەن 6 حات جىبەرىلدى. بۇعان قوسا، جىل باسىنان بەرى وبلىستىق ماڭىزى بار تاس جولداردا اۋىر جۇك كولىكتەرىنىڭ ىشكى تارتىبىنە رەيدتىك شارالار جۇرگىزىلىپ، ناتيجەسىندە شامادان تىس جۇك تيەگەن 70 اۋىر جۇك كولىگىنە جالپى قۇنى 1 377 370 تەڭگە كولەمىندە ايىپپۇل سالىندى"، دەيدى دەپارتامەنت باسشىسىنىڭ ءبىرىنشى ورىنباسارى ميراس قارعاباي.

ايتا كەتەيىك، بۇل باعىتتاعى جۇمىستار، ياعني وبلىسقا قاراستى بارلىق قالا، اۋدانداردىڭ اۆتوكولىك جولدارىنا تۇراقتى نەگىزدە مونيتورينگتىك جۇمىستارى جۇرگىزىلىپ وتىرادى. وسى ورايدا، دەپارتامەنت ءوڭىر تۇرعىندارى ءوزى تۇراتىن قالا، اۋدانداردىڭ جول ساپاسىنان كەمشىلىكتەر مەن اقاۋلاردى بايقاعان جاعدايدا، + 7 747 263 83 63 نومىرىنە قوڭىراۋ شالۋعا (فوتو-، ۆيدەوماتەريالداردى قوسا جىبەرۋگە) جانە مونيتورينگ جۇمىستارىنا قاتىسۋعا بولاتىنىن حابارلايدى.

تۇركىستان وبلىسى

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز