"مەنى بۇل لاۋازىمعا تاعايىنداعاندا قۇتتىقتاۋشىلار كوپ بولدى, ال كەتكەن كەزدە قولداۋشىلاردىڭ ودان دا كوپ ەكەنىن كورىپ, تاڭ قالىپ وتىرمىن. تەلەفون سوعىپ, حابارلاما جازىپ باسىمىزدان كەشكەن وقيعالاردى ەسىمە سالدىڭىز, وتە ريزامىن. كەيبىرىڭىزبەن مەملەكەتتىك مۇددەلەردى قورعاۋدا بىرگە جۇمىس ىستەسەك, ەندى بىرىڭىزبەن جاڭا جوبالاردى بىرلەسە جۇزەگە اسىردىق, تاعى ءبىرىڭىز قىزىقتى شەشىمدەرىڭىزبەن ءبولىستىڭىز. ارىپتەستەر, دوستار, "تسيفرلىق كوميسسارلار", پىكىر بىلدىرۋشىلەر, ازاماتتار, مەنىڭ سوڭعى جىلدارى اينالىسقانىم – بۇل ءبىزدىڭ بىرلەسە اتقارعان جۇمىسىمىز.
ءبارىمىز ناتيجەلى جۇمىس ىستەدىك دەپ ويلايمىن. ونىڭ ءبارىن تىزبەكتەپ ايتپاي-اق, وزدەرىڭىز دە بىلەسىزدەر. قازىر قىزمەتكەرلەر تۋرالى ايتقىم كەلىپ وتىر. مەن مينيسترلىك ۇجىمىنىڭ, ۆەدومستۆولىق باعىنىستى ۇيىم قىزمەتكەرلەرىنىڭ ءاربىر قىزمەتتى تسيفرلاۋ ءۇشىن, ءاربىر ينتەگراتسيا ءۇشىن جانە ولاردىڭ قازاقستاندىقتاردىڭ ءومىرىن جەڭىلدەتۋدەگى ماڭىزى مەن قاجەتتىلىگىن دالەلدەۋگە كۇش سالعانىن, بار ىنتا-جىگەرىمەن جۇمىس ىستەگەنىنە كۋا بولدىم. سىزدەرگە باسىمدى ءيىپ, زور العىسىمدى بىلدىرەمىن.
وسى فب-دا مۇمكىندىگىنشە اشىق بولۋعا تىرىستىم, جوسپارلارىمىزبەن ءبولىسىپ, ناتيجەلەرىمىز تۋرالى جازدىم. بۇل كوپشىلىك ءۇشىن پايدالى بولدى دەپ ۇمىتتەنەمىن. دوس بولعانىڭىز ءۇشىن, بىرقاتار ماسەلەنى شەشۋگە كومەكتەسكەن پىكىرلەرىڭىز ءۇشىن, يدەيالارىڭىز ءۇشىن كوپ راحمەت. "تسيفرلىق كوميسسارلار" – ءبىزدىڭ تاۋەلسىز ساراپشىلارىمىزعا العىسىم شەكسىز, قوعام بەلسەندىلەرى مەن ۇەۇ باسشىلارىنا, بلوگەرلەرگە تۇراقتى فيدبەك ءۇشىن كوپ راحمەت, حالىقتى ءبىزدىڭ جۇمىسىمىزدان ۇنەمى حاباردار ەتىپ وتىرعان جۋرناليستەر قاۋىمىنا جانە ءبىزدىڭ باستامالارىمىزعا قولداۋ بىلدىرگەنى ءۇشىن دەپۋتتارعا زور العىس.
باستامالارى مەن قازاقستاندى تسيفرلاندىرۋ ۇدەرىستەرىن ۇنەمى قولداعانى ءۇشىن ەلباسىعا, پرەزيدەنتكە جانە سىزدەردىڭ ارقايسىڭىزعا سوڭعى جىلدارى ماعان ارتقان سەنىم مەن كورسەتكەن قولداۋلارىڭىز ءۇشىن العىسىمدى بىلدىرەمىن. مۋسين باگدات ساتتىلىك تىلەيمىن, سالا سەنىمدى قولدا! جاڭا ماقساتتاردى ايقىنداپ, ىسكە قايتا كىرىسەمىن", - دەپ جازدى اسقار جۇماعاليەۆ.
