"ەل بويىنشا اۋرۋحانالارداعى 34 مىڭ توسەك-ورىننىڭ سانى 49,7 مىڭعا دەيىن كوبەيدى. پروۆيزورلىق ورتالىقتارداعى توسەك-ورىندار 20%-عا, ال رەانيماتسيالار 6%-عا بوساي باستادى. 2962 ءموبيلدى بريگادا قۇرىلدى", - دەدى ول.
قازىر رەسپۋبليكا بويىنشا 1985 دانا وكپەنى جاساندى جەلدەتۋ اپپاراتى بار ەكەن.
"قوسىمشا 4183 اپپارات ساتىپ العالى جاتىرمىز, ونىڭ 3105 داناسىن وتاندىق وندىرۋشىلەردەن الامىز. ەل بويىنشا 21 855 اۋرۋحاناداعى كەرەۋەت جانىندا وتتەگى بار. باسا ايتا كەتەرلىگى, ايماق-ايماققا باراتىن 100 كوشپەلى مەديتسينالىق كەشەن ساتىپ العالى جاتىرمىز. ولار ايماقتاردا كورسەتىلەتىن قىزمەتتەردىڭ اۋقىمىن كەڭەيتەدى. ماسەلەن, رەنتگەن اپپاراتتارى, ۋزد, ەكگ جاسايتىن جانە قان تالداۋىن جاسايتىن مۇمكىندىكتەرگە يە. ەكى اپتالىق كارانتيننىڭ ناقتى ناتيجەلەرىن كورىپ وتىرمىز. كۇندەلىكتى كوروناۆيرۋس جۇقتىرۋ دەڭگەيى 4%-دان 2,1%-عا دەيىن تومەندەدى. قازاقستان بويىنشا جەدەل جاردەم شاقىراتىندار سانى 23%-عا ازايدى, ال, جەكەلەگەن قالالارداعى جەدەل جاردەمگە تۇسەتىن سالماق ەكى ەسەگە ازايدى. قازىر ديناميكا تۇراقتانىپ كەلەدى, دارىگەرلەر دە بۇرىنعى جۇمىس ريتمىنە قايتا ورالىپ جاتىر. دەنساۋلىق ساقتاۋ جۇيەسى ءبىر ساتتە وزگەرە المايدى. ەكى اپتا بۇرىنعى جاعدايمەن سالىستىرعاندا, قازىر ءپوزيتيۆتى وزگەرىستەر بار", - دەدى تسوي.
